قازاقستاندىق عالىمدار رادياتسياعا قارسى الەمدەگى العاشقى پرەپاراتتى ويلاپ تاپتى

نۇر- سۇلتان. قازاقپارات - قازاقستاندىق دارىگەر عالىمدار ادەتتە قان توقتاتۋ ءۇشىن قولدانىلاتىن «امينكاپرون قىشقىلى» پرەپاراتىنىڭ ادام اعزاسىن رادياتسيادان ءتيىمدى قورعاي الاتىنىن انىقتادى.

بۇل تۋرالى «ەۋرازيا» ءبىرىنشى ارناسىنىڭ» سيۋجەتىندە ايتىلدى.

تاجىريبەلەر زەرتحاناداعى ەگەۋقۇيرىقتارعا جۇرگىزىلدى. بۇل كەمىرگىشتەردىڭ كەزىندە چەرنوبىل نەمەسە فۋكۋسيما اتوم ستانسالارىندا بولعان اپاتتار كەزىندە ءتىرى قالعانى ايتىلادى. ولارعا اۋەلى ادامزاتقا جارتى عاسىر ۋاقىت تانىس بولعان امينكاپرون قىشقىلى ەنگىزىلىپ، ودان كەيىن ەكى رەت يونداۋشى رادياتسيامەن ساۋلەلەندىرىلگەن. ەگەۋقۇيرىقتار قىرىلماق تۇگىلى، رادياتسيانىڭ قانداي دا ءبىر اسەرىن سەزىنگەن جوق.

«ءبىز ولارعا پرەپاراتتى ۇنتاق تۇرىندە بەردىك. ول سونداي- اق ءدارى تۇرىندە دە بولادى. بۇل رەتتە بيوسىڭىمدىلىگى وتە جوعارى. ەگۋدى قاجەت ەتپەيدى. وعان قوسا، اسقازان- ىشەك جولدارىنىڭ ىشكى تىندەرىن قورعايدى. ال رادياتسيانىڭ ەڭ تانىمال ءارى ءقاۋىپتى اسەرى - اش ىشەك قىزمەتىنىڭ بۇزىلۋى»، - دەپ باياندادى ب. اتچاباروۆ اتىنداعى ىرگەلى جانە قولدانبالى مەديتسينا ع ز ي- نىڭ ديرەكتورى تيمۋر ساليەۆ.

تاجىريبە كەزىندە امينكاپرونقىشقىلىنىڭ قوسىمشا پايدالى قاسيەتتەرى اشىلعانى حابارلانىپ وتىر. وسىلايشا، ونىڭ ەركىن راديكالداردى بۇزىپ، جاستىق شاقتى ۇزارتۋ قاسيەتى بار. ودان جاسالعان پرەپارات سونداي- اق التسمەيگەر اۋرۋىنىڭ الدىن الۋعا كومەكتەسە الادى، ءبىراق ازىرگە عالىمدار ونىڭ رادياتسيادان قورعاۋ قاسيەتىنە ەرەكشە نازار اۋدارىپ وتىر.

تەلەارنانىڭ مالىمەتىنشە، قازاقستاندىق عالىمدار پرەپاراتقا پاتەنت الىپ ۇلگەرگەن. ەندى ونى الدىن الۋ شارالارى رەتىندە ا ە س قىزمەتكەرلەرى نەمەسە ساۋلەلەنۋگە تاپ بولعان ادامدار قولدانا الادى.

اۆتور: زارينا تۋعانبايەۆا