الماتىدا كونە كىلەمدەردىڭ كورمەسى ءوتىپ جاتىر
كورمەدە العاش رەت قازاقستاننىڭ وڭتۇستىك، سولتۇستىك جانە باتىس وڭىرلەرىنەن ءداستۇرلى قازاق كىلەمدەرىنىڭ بۇرىن كورمەگە قويىلماعان جانە جوعارى كوركەمدىك- تاريحي ماڭىزى بار بىرەگەي كوللەكتسياسى ۇسىنىلادى.
«كورمەگە قويىلعان كىلەمدەر ەلىمىزدىڭ وڭتۇستىك جانە شىعىس وڭىرلەرىندە جاسالعان. ولاردىڭ دايىدالۋ ءادىسى مەن سيپاتى جاعىنان وزىنە ءتان وزگەشەلىكتەر بار. كورمەدەن قايتا قالپىنا كەلتىرىلگەن كىلەمدەر مەن قاتار توقىما بۇيىمدارىن تاماشالاۋعا بولادى. بۇل جادىگەرلەردىڭ بارلىعى مۋزەيىمىزدىڭ قورىندا ساقتالعان. تاريحي- مادەني ارتەفاكتىلەردى قالپىنا كەلتىرۋ ورتالىق مۋزەي قىزمەتىنىڭ ماڭىزدى باعىتتارىنىڭ ءبىرى. وعان قوسا مۋزەيدە 1986 -جىلدان بەرى رەستاۆراتسيا ءبولىمى جۇمىس ىستەيدى. قازىر وندا سەگىز بىلىكتى مامان كەسكىندەمە، گرافيكا، قىش، ماتا بۇيىمدارى، كىلەم- كيىز جانە تاعى باسقا باعىتتار بويىنشا قىزمەت ەتۋدە»، - دەيدى مۋزەيدىڭ رەستوۆراتسيا ءبولىمىنىڭ مەڭگەرۋشىسى شولپان تۇرسىنبايەۆا.
كورمەگە 13-كە جۋىق تۇكتى كىلەم مەن باسقۇرتتار، قورجىندار قويىلعان. بۇل بۇيىمداردىڭ بارلىعى ⅩⅩعاسىردىڭ ءبىرىنشى جارتىسىندا جاسالعان، ەڭ كونە كىلەم 1934 -جىلى وڭتۇستىك قازاقستان وبلىسىندا جاسالىپتى. ۇيىمداستىرۋشىلاردىڭ ايتۋىنشا، كورمەنىڭ باستى ماقساتى - ورتالىق مۋزەي قورى نەگىزىندە قازاق حالقىنىڭ كىلەم جانە توقىما بۇيىمدارىنىڭ تىرشىلىك قامى فۋنكتسياسىن، سونىمەن قاتار ولاردىڭ جاسالۋ ماتەريالدارى مەن تەحنيكاسىن، قولدانىس اياسىن، شارۋاشىلىق، تۇرمىستىق جانە فۋنكتسيالارىن اشۋ.
