قازاقستاندا كوروناۆيرۋستىڭ جىلدام تارايتىن «بريتاندىق» شتامدارعا ۇقساس بەلگىلەرى انىقتالدى

نۇر-سۇلتان. قازاقپارات - دەنساۋلىق ساقتاۋ مينيسترلىگى قازاقستان رەسپۋبليكاسىندا كوروناۆيرۋستىڭ اينالىمداعى وزگە دە شتاممدارىنا زەرتتەۋ جۇرگىزۋدە.

بۇل تۋرالى دەنساۋلىق ساقتاۋ ءمينيسترى الەكسەي سوي جەلىدەگى پاراقشاسىندا جازدى، دەپ حابارلايدى قازاقپارات.

دۇنيەجۇزىلىك دەنساۋلىق ساقتاۋ ۇيىمىمەن بىرلەسىپ Covid-19 شتاممدارىن انىقتايتىن ەكسپرەسس پ ت ر- سكرينينگتىڭ جاڭا ادىستەمەسى ەنگىزىلدى. 2021 -جىلعى 17-ناۋرىزدا ۇلتتىق قوعامدىق دەنساۋلىق ساقتاۋ ورتالىعى فيليالىنىڭ رەفەرەنس- زەرتحاناسى الماتى قالاسى بويىنشا ك ۆ ي- مەن اۋىراتىن ناۋقاستاردان الىنعان زەرتحانالىق ۇلگىلەردى زەردەلەدى. زەرتتەۋ ناتيجەلەرى بويىنشا «بريتاندىق»، «وڭتۇستىك افريكا»، «برازيليالىق» شتامدارعا ۇقساس ىقتيمال مۋتاتسيا انىقتالدى. مۋتاتسيانى جانە ونىڭ وسى شتاممداردىڭ بىرىنە جاتاتىنىن ناقتى راستاۋ تولىق گەنومدىق سەكۆەنيرلەۋ اياقتالعاننان كەيىن ءبىر اي ىشىندە ايقىندالاتىن بولادى»، - دەدى مينيستر.

ايتا كەتۋ كەرەك، ك ۆ ي-دىڭ الدىن الۋ جانە مۋتاتسيانى ەمدەۋ شارالارى قولدانىستاعى تاسىلدەرگە ۇقساس.

«بۇل ماسكا رەجيمىن جانە الەۋمەتتىك اراقاشىقتىقتى ساقتاۋ، ادام كوپ جينالاتىن ورىندارعا بارماۋ، سونداي-اق حالىقتى جاپپاي ۆاكسيناتسيالاۋ. ن. ف. گامالەيا اتىنداعى ەپيدەميولوگيا جانە ميكروبيولوگيا عىلىمي- زەرتتەۋ ورتالىعىنىڭ مالىمەتتەرى بويىنشا قازىر قازاقستان رەسپۋبليكاسىندا قولدانىلاتىن گام- كوۆيد- ۆاك (سپۋتنيك V) ۆاكسيناسىنىڭ «بريتاندىق» شتامعا تيىمدىلىگى دالەلدەندى»، - دەپ تولىقتىردى مينيستر.