قازاقستاندا جۇمىسقا قانشا شەتەلدىك تارتىلعانى بەلگىلى بولدى
«شەتەلدىك جۇمىس كۇشىن (ش ج ك) تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات - 637 (باسشىلار جانە ولاردىڭ ورىنباسارلارى)، ەكىنشى سانات - 3214 (قۇرىلىمدىق بولىمشەلەردىڭ باسشىلارى). تارتىلعان ش ج ك-نىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى، ياعني تيىسىنشە 7236 جانە 590 ادام. سونداي- اق ماۋسىمدىق جۇمىستارعا - 689 ادام، ال كورپوراتيۆتىك اۋىستىرۋ اياسىندا 1720 ادام تارتىلعان»، - دەلىنگەن ەڭبەك مينيسترلىگى مالىمەتىندە.
قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1762 جۇمىس بەرۋشى بار. ولاردا شامامەن 487 مىڭ قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 97 پايىزىن قۇرايدى. ەڭبەكشى ميگرانتتار شىعاتىن نەگىزگى ەلدەر كەلەسى: قىتاي - 3613 ادام، تۇركيا - 1484 ادام، ءۇندىستان - 1106 ادام، ۆەنگريا - 1002 ادام، وزبەكستان - 654 ادام. ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 -جىلى كۆوتا مولشەرى جۇمىس كۇشىنە شاققاندا %0,31 دى نەمەسە 29,3 مىڭدى قۇرادى.
اۆتور: رۋسلان عابباسوۆ
