سەمەيدەگى مادەني- سپورت كەشەنىن «ەلباسى ارەنا» دەپ اتاۋ ۇسىنىلدى

سەمەي. قازاقپارات - سەمەيدىڭ زيالى قاۋىم وكىلدەرى قاراعايلى ىقشام اۋدانىنداعى اتاۋسىز كوشەگە نۇرسۇلتان نازاربايەۆتىڭ ەسىمىن بەرۋ جانە وسىنداعى مادەني- سپورت كەشەنىن «ەلباسى ارەنا» دەپ اتاۋدى ۇسىندى، دەپ حابارلايدى قازاقپارات ءتىلشىسى.

سەمەي قالالىق ءماسليحاتىندا زيالى قاۋىم وكىلدەرى، اتاقتى سپورتشىلار، ەڭبەك سىڭىرگەن قايراتكەرلەر، ارداگەرلەر، ۇ ە ۇ، ب ا ق وكىلدەرى، ەرىكتىلەر قوزعالىسىنىڭ بەلسەندىلەرى، جاستار مەن ءىرى كاسىپورىندار جەتەكشىلەرىنەن قۇرالعان باستاماشىل توپتىڭ حاتى قارالدى.

ول حاتتا قاراعايلى ىقشام اۋدانىنداعى اتاۋسىز كوشەگە نۇرسۇلتان نازاربايەۆتىڭ ەسىمىن بەرۋ جانە وسىنداعى مادەني- سپورت كەشەنىن «ەلباسى ارەنا» دەپ اتاۋ ۇسىنىلعان. اتالمىش باستاما ەلباسىنىڭ مەملەكەتتى قالىپتاستىرۋداعى ايرىقشا رولىنە جانە ق ر تاۋەلسىزدىگىنىڭ 30 جىلدىعىنا وراي كوتەرىلىپ وتىر. ماسەلە قالالىق ءماسليحاتتىڭ تۇراقتى كوميسسياسىنىڭ قاراۋىنا شىعارىلىپ، وعان 10 مىڭنان استام ادام ونلاين فورماتتا قاتىستى. قاتىسۋشىلار پىكىرلەرىن نازارعا الا وتىرىپ، دەپۋتاتتار وسى ماسەلەنى قالالىق ءماسليحات سەسسياسىنا شىعارۋدى ۇسىندى.