تۇركىستان وبلىسىندا قاريالار باتا بەرۋدەن سىنعا ءتۇستى

تۇلكىباس. قازاقپارات - تۇركىستان وبلىسى تۇلكىباس اۋدانىنىڭ باتاگوي قاريالارى باتا بەرۋدەن سايىسقا ءتۇستى، دەپ حابارلايدى قازاقپارات وڭىرلىك كوممۋنيكاتسيالار قىزمەتىنە سىلتەمە جاساپ.

ەل تاۋەلسىزدىگىنىڭ 30 جىلدىعىنا جانە ءاز- ناۋرىز مەيرامى قارساڭىندا «بابالاردى ەسكە الۋ جانە باتا كۇنىنە» وراي ۇيىمداستىرىلعان مەرەكەلىك شارانىڭ ماقساتى - ءداستۇرلى باتالاردى كەيىنگى ۇرپاققا ناسيحاتتاۋ، ەجەلگى سالت- ءداستۇردى جاڭعىرتۋ. ەكى اينالىمنان تۇراتىن بايقاۋعا اۋدانعا قاراستى بارلىق اۋىلدىق وكرۋگتەردىڭ باتاگوي قاريالارى قاتىستى. ءبىرىنشى اينالىمنان 9 اقساقال ىرىكتەۋدەن سۇرىنبەي ءوتىپ، اقتىق سىنعا جولداما الدى.

باتا سايىسىنىڭ قورىتىندىسىمەن «ەڭ باتاگوي قاريا» اتاعىمەن I ورىندى ميچۋرين اۋىلدىق وكرۋگىنىڭ اتىنان شىققان جارىلقاسىن بەكجانوۆ اقساقال يەلەنسە، Ⅱ ورىن مايلىكەنت اۋىلدىق وكرۋگىنىڭ باتاگوي قارياسى اسپانديار كەلىمبەتوۆكە بۇيىردى. ال Ⅲ ورىندى تۇلكىباس كەنتىنىڭ تۇرعىنى ەرماحان داۋلەتوۆ پەن كەمەرباستاۋ اۋىلدىق وكرۋگىنىڭ ابىزى ەرجان ءابدىحالىقوۆ اتالارىمىز جەڭىپ الدى.

ءىس- شارا سوڭىندا جۇلدەلى ورىنداردان كورىنگەن قاريالارىمىز اۋداندىق ارداگەرلەر كەڭەسىنىڭ تاراپىنان باعالى سىيلىقتار جانە العىس حاتپەن ماراپاتتالدى.