اقمولا وبلىسىندا «قاسيەتتى دومبىرا» بايقاۋىنىڭ جەڭىمپازدارى انىقتالدى

كوكشەتاۋ. قازاقپارات - اقمولا وبلىسىندا «قاسيەتتى دومبىرا» بايقاۋىنىڭ جەڭىمپازدارى انىقتالدى، دەپ حابارلايدى قازاقپارات ءتىلشىسى وبلىستىق ءبىلىم باسقارماسىنا سىلتەمە جاساپ.

اقمولا وبلىسى ءبىلىم باسقارماسى، «جاس ۇلان» ءبىرىڭعاي بالالار مەن جاسوسپىرىمدەر ۇيىمى» قوعامدىق بىرلەستىگى، «اقمولا دارىنى» دارىندى بالالار مەن تالانتتى جاستاردى انىقتاۋ جانە قولداۋ ورتالىعىمەن بىرلەسىپ ۇيىمداستىرعان بايقاۋ قازاقتىڭ ونەرىن وسكەلەڭ ۇرپاققا، ونەر سۇيەر جۇرتشىلىققا كەڭىنەن ناسيحاتتاۋعا، جاس تالانتتار مەن شەبەر ورىنداۋشىلاردى تابۋعا جانە قولداۋعا باعىتتالعان.

«بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ ماقساتىندا ۇيىمداستىرىلعان بايقاۋعا اقكول، استراحان، ارشالى، بۇلاندى، بۋراباي، جاقسى، جارقايىڭ، زەرەندى، ەسىل، ەرەيمەنتاۋ، تسەلينوگراد، قورعالجىن اۋداندارىنان، ستەپنوگور، كوكشەتاۋ قالالارى جانە وبلىستىق مەكتەپ- ينتەرنات وقۋشىلارىمەن قوسا العاندا جالپى سانى 45 وقۋشى قاتىستى»، - دەدى وبلىستىق ءبىلىم باسقارماسىنىڭ باسپا ءسوز قىزمەتىندەگىلەر.

بايقاۋعا ءبىرجان سال اتىنداعى مۋزىكالىق كوللەدج ديرەكتورى سايان مۇحامەديار، شىڭعىس سارسەنباي جانە جۇلدىز مۇقىشيەۆا قازىلىق ەتتى. جەڭىمپازدار «ۇزدىك كۇيشى»، «ۇزدىك ءداستۇرلى ءانشى»، «ۇزدىك تەرمەشى» ءۇش اتالىمدارى ەكى جاس ساناتى بويىنشا انىقتالدى. قازىلار القاسىنىڭ شەشىمىمەن «ۇزدىك كۇيشى» اتالىمى بويىنشا اقكول اۋدانىنىڭ وكىلى ماديار سەرىكبايەۆ، «ۇزدىك ءداستۇرلى ءانشى» اتالىمىندا ستەپنوگورلىك ديدار قابيدەنوۆ، «ۇزدىك تەرمەشى» اتالىمىندا جاقسى اۋدانىنىڭ وكىلى قازىمبەك ۇلان جەڭىمپاز اتاندى.

سونىمەن بىرگە، قوسىمشا اتالىمدار بويىنشا - «شابىت» اتالىمى بويىنشا زەرەندىلىك ارسەن تۇرسىنحان، «جىگەر» اتالىمىندا ارشالى اۋدانىنىڭ وكىلى جانەركە الپىسبايەۆا، «ورلەۋ» اتالىمىندا ستەپنوگور قالاسىنداعى دارىندى بالالارعا ارنالعان №4 وبلىستىق مامانداندىرىلعان «بولاشاق» مەكتەپ- ينتەرناتىنىڭ وقۋشىسى جاباي جانبوتا ۇزدىك اتاندى. جەڭىمپازدار باعالى سىيلىق جانە ديپلوممەن ماراپاتتالدى.