قازاقستاندىق وقۋشىعا تۇركيا پرەزيدەنتى سىيلىق جىبەردى
تارباعاتاي اۋدانى تۇعىل اۋىلىندا 1-سىنىپتا وقيتىن بايجىگىت اباي ولەڭىن وقۋ ەستافەتاسىن تۇركيا پرەزيدەنتىنە جولداعان بولاتىن.
« ۇلىمىز ەكەۋمىزدى نۇر- سۇلتان قالاسىنداعى تۇركيا ەلشىلىگىنە شاقىردى. ەردوعان مىرزا سىيلىق جىبەرىپتى. وزىمەن ونلاين كەزدەسۋ دە بولۋى مۇمكىن ەكەن»، - دەدى بالانىڭ اكەسى دۋلات بايكۇبەنوۆ.
ونىڭ ايتۋىنشا، ونلاين كەزدەسۋ 17 -ناۋرىزدا وتەدى. ەردوعان مىرزا اباي ولەڭىن وقۋى مۇمكىن. ال قانداي سىيلىق جىبەرگەنى ازىرگە بەيمالىم.
«ۇلىم جولداعان ەستافەتا تۋرالى سول ەلدەگى TRT AVAZ تەلەارناسى حابار تاراتقان ەدى. ەردوعان مىرزا سودان كورگەن بولۋى مۇمكىن. ال چەللەندج نەگىزى 2019 -جىلى 29 -قاراشادا جولدانعان. ارادا ءبىر جارىم جىل وتسە دە، جاۋاپ العانىمىزعا قۋانىشتىمىز»، - دەدى دۋلات بايكۇبەنوۆ.
تاعى ءبىر ايتا كەتەرلىگى، تۇركيا ەلشىلىگى جول شىعىنىن ءوز تاراپىنان كوتەرىپ الاتىنىن حابارلاعان.
