الماتىدا ۇشاق اپاتىنان قازا تاپقان اسكەريلەردىڭ اتى-ءجونى جاريالاندى

نۇر-سۇلتان. قازاقپارات - ق ر ۇلتتىق قاۋىپسىزدىك كوميتەتى اسكەري بورىشىن اتقارۋ كەزىندە قايعىلى جاعدايدا قازا بولعان ق ر ۇ ق ك اۆياتسيا قىزمەتى اسكەري قىزمەتشىلەردىڭ اتى-جوندەرىن جاريالادى، دەپ حابارلايدى قازاقپارات.

«قازاقستان رەسپۋبليكاسى ۇلتتىق قاۋىپسىزدىك كوميتەتى اسكەري بورىشىن اتقارۋ كەزىندە قايعىلى جاعدايدا قازا بولعان ق ر ۇ ق ك اۆياتسيا قىزمەتى اسكەري قىزمەتشىلەرى:

اۆياتسيا ءبولىمىنىڭ شتۋرمانى، 1984-جىلى 19- قازاندا تۋعان مايور عابيت ەسىمدە ۇلى بارلىقبايەۆ:

اۆياتسيا ءبولىمىنىڭ ۇشۋ توبىنىڭ بورت تەحنيگى، 1985-جىلى 15- جەلتوقساندا تۋعان كاپيتان دوسجان عالىمبەك ۇلى بايمۇراتوۆ؛

اۆياتسيا ءبولىمىنىڭ ۇشۋ توبى ەكيپاجىنىڭ شتۋرمانى، 1994-جىلى 24- قاراشادا تۋعان اعا لەيتەنانت مۇحتار قاجىمۇقان ۇلى ساعىمبايەۆتىڭ؛

اۆياتسيا ءبولىمىنىڭ ۇشۋ توبىنىڭ اعا بورت مەحانيگى، 1985-جىلى 10- قاراشادا تۋعان سەرجانت ۆاسيلكوۆ ەۆگەني ءبوريسوۆيچتىڭ وتباسىلارىنا، تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتادى»، دەلىنگەن حابارلامادا.

كوميتەتتىڭ مالىمەتىنشە، ان-26 اسكەري-كولىك ۇشاعىنىڭ ەكيپاجى تاجىريبەلى ءارى كاسىبي دايىندالعان ماماندار بولعان.

«ولار ءومىرىنىڭ سوڭىنا دەيىن اسكەري انتقا ادال بولدى. ساربازداردىڭ جارقىن بەينەسى قازاقستان رەسپۋبليكاسى ۇلتتىق قاۋىپسىزدىك ورگاندارى قىزمەتكەرلەرىنىڭ جادىندا ماڭگى ساقتالادى. ءبىز اۋىر جانە ورنى تولماس قازانىڭ قايعىسىن بىرگە بولىسەمىز»، دەلىنگەن حابارلامادا.

ەسكە سالا كەتسەك، 13- ناۋرىزدا نۇر-سۇلتان-الماتى» باعىتىندا ساعات 17:20 دا ۇشىپ شىققان ۇ ق ك اۋە قىزمەتىنىڭ ان-26 ۇشاعى الماتىعا قونار كەزدە اپاتقا ۇشىرادى. الماتى اۋەجايى ماڭىنداعى ۇشاق اپاتىنان 4 ادام قازا تاپقانىن ت ج م راستادى. ال زارداپ شەككەن 2 ادام الماتى قالاسىنداعى 4№ قالالىق كلينيكالىق اۋرۋحاناعا جەتكىزىلدى.

دارىگەرلەردىڭ ايتۋىنشا، جانساقتاۋ بولىمىندە جاتقان ەكى اسكەريدىڭ جاعدايى وتە اۋىر. ەلباسى نۇرسۇلتان نازاربايەۆ ۇشاق اپاتىنان قازا تاپقانداردىڭ جاقىندارىنا كوڭىل ايتتى . ال، مەملەكەت باسشىسىنىڭ تاپسىرماسى بويىنشا اۋە اپاتىنىڭ سەبەپتەرىن انىقتاۋ جۇمىستارى باستالدى.