بوكسشى ايدوس ەربوسىن ۇلى كۇتپەگەن جەردەن ءۇش تيتۋل ءۇشىن رينگكە شىعاتىنىن جاريالادى

نۇر-سۇلتان. قازاقپارات - قازاقستاندىق بوكسشى ايدوس ەربوسىن ۇلى (15-0، 10 ك و) رينگكە قاشان ورالاتىنىن ايتتى، دەپ حابارلايدى قازاقپارات Sports.kz-كە سىلتەمە جاساپ.

ول كەلەسى جەكپە-جەگىن 28- ناۋرىزدا كۆەبەكتە (كانادا) وتكىزەدى.

ەربوسىن ۇلىنىڭ قارسىلاسى كانادالىق تيم كرونين (12-5-2، 3 ك و) بولادى، ال قازاقستاندىق WBC Asia، WBA International جانە WBO Global-عا تيەسىلى سۋپەر ورتا سالماقتاعى بارلىق ءۇش چەمپيوندىق بەلبەۋ ءۇشىن كۇرەسەدى. جەكپە-جەك ون راۋندقا ەسەپتەلگەن.

سوڭعى وتكىزگەن جەكپە-جەگىندە ايدوس ەربوسىن ۇلى جەلتوقسان ايىندا گانالىق بوكسشى يسسا ساميرمەن (19-1، 16 ك و) رينگكە شىعىپ، ونى ءۇشىنشى راۋندتا نوكاۋتقا جىبەردى.

سول جەكپە-جەكتە ەربوسىن ۇلى ءوزىنىڭ بارلىق ءۇش تيتۋلىن ءساتتى قورعاپ شىققان بولاتىن.