بەيجىڭدەگى ت م د ەلدەرىنىڭ ديپلوماتيالىق ميسسيالارىنىڭ وكىلدەرى ناۋرىزدى تويلادى

بەيجىڭ. قازاقپارات - بەيجىڭدەگى ت م د ەلدەرىنىڭ ديپلوماتيالىق ميسسيالارىنىڭ وكىلدەرى ناۋرىز بەن قىستى شىعارىپ سالۋ مەيرامى - ماسلەنيتسانى اتاپ ءوتتى، دەپ حابارلايدى قازاقپارات.

بەيجىڭدە اككرەديتتەلگەن ديپلوماتيالىق كورپۋس پەن حالىقارالىق ۇيىمداردىڭ باسشىلارى ءىس-شارانىڭ قۇرمەتتى قوناعى بولدى.

قاتىسۋشى ەلدەردىڭ ديپلوماتيالىق ميسسيالارى باسشىلارىنىڭ قۇتتىقتاۋ سوزدەرىنەن كەيىن مەرەكەلەرگە وراي ماسلەنيتسا مەن ناۋرىزدى قارسى الۋ داستۇرلەرى جايلى بەينەروليكتەر كورسەتىلدى.

ايتا كەتەيىك، ءىس-شارانى ۇيىمداستىرۋشىلار مادەني باعدارلاماعا كوپ كوڭىل ءبولدى.

«رۋسسكي سۋۆەنير» بالالار ءانسامبلى «ۆارەنكا» كومپوزيتسياسىن ورىندادى، گيۋناي اليەۆا كورەرمەندەردى ازەربايجاندىق «نەلبەكي» ۇلتتىق بيىمەن (كەسەلەرمەن بيلەۋ) تاڭعالدىردى.

سونداي-اق قوناقتارعا بيمۇرات مۇرال نۇرعيسا تىلەنديەۆتىڭ ايگىلى «اققۋ» كۇيىن شەرتىپ بەردى، فارومۋز پيرمۋحامەدوۆتىڭ ورىنداۋىندا «دۋشانبە تۋرالى ءان» شىرقالدى جانە كونە بەلارۋس ءبيى «گۋكاننە ۆياسنى» ۇسىنىلدى. كەشكە ارنالىپ، باي داستارحان جايىلدى.

«گاسترونوميالىق مەرەكە» الاڭىندا ۇلتتىق تاعامدار قويىلدى. قازاقستاندىق اسپازدار ناۋرىز كوجە، باۋىرساق جانە جەنت ۇسىندى. قوناقتارعا كوكتەم مەن جاڭارۋ مەرەكەسىنىڭ باستى تاعامى - ناۋرىز كوجە ەرەكشە ۇنادى.

دولما، ليۋليا-كەباب جانە پاحلاۆانى - ازەربايجان حالقى، قۇيماق، ءبالىش پەن توقاشتى (كۋلەبياكا) ورىس اسپازدارى ۇسىندى.

سالتاناتتى ءىس-شارانى ازەربايجان، بەلارۋس، قازاقستان، قىرعىزستان، رەسەي جانە تاجىكستاننىڭ ق ح ر- داعى ەلشىلىكتەرى بىرلەسىپ ۇيىمداستىردى.