مەملەكەت باسشىسى تۇركى ينۆەستيتسيالىق قورىن قۇرۋدىڭ ماڭىزىن ايتتى
كەزدەسۋ بارىسىندا قاسىم- جومارت توقايەۆقا كەڭەس جۇمىسىنىڭ باستى باعىتتارى جانە ونىڭ الداعى دامۋ پەرسپەكتيۆالارى تۋرالى باياندالدى. اتاپ ايتقاندا، باعدات امىرەيەۆ مەملەكەت باسشىسىنا ۇيىمنىڭ الداعى ۋاقىتتا وتكىزەتىن جوعارى دەڭگەيدەگى ءىس- شارالارىنا دايىندىق بارىسى، تۇركى كەڭەسىنىڭ مارتەبەسىن تولىققاندى حالىقارالىق ۇيىم دەڭگەيىنە دەيىن كوتەرۋ جونىندەگى جۇمىستار، سونداي- اق، كەڭەس قىزمەتىنىڭ ەكونوميكالىق جانە ينۆەستيتسيالىق سالالارداعى ماڭىزدى باعىتتارى جايىندا ايتتى.
پرەزيدەنت كەڭەستىڭ تۇركىتىلدەس مەملەكەتتەر اراسىنداعى ينتەرگاتسيانى نىعايتۋعا قوسقان ۇلەسىن جوعارى باعالاپ، ونىڭ ەكونوميكالىق باعىتتاعى جۇمىسىن كۇشەيتە تۇسۋگە ءمان بەردى. وسى رەتتە مەملەكەت باسشىسى تۇركى ينۆەستيتسيالىق قورىن قۇرۋدىڭ ماڭىزدى ەكەنىن اتاپ ءوتتى. بۇل كەڭەسكە مۇشە ەلدەردىڭ شاعىن جانە ورتا بيزنەس وكىلدەرى اراسىنداعى ىقپالداستىقتى دامىتۋعا سەپتىگىن تيگىزەدى.
