قاسىم- جومارت توقايەۆ ستەنفورد ۋنيۆەرسيتەتىنىڭ پروفەسسورىمەن كەزدەسۋ وتكىزدى
مەملەكەت باسشىسى حالىقارالىق قاتىناستار سالاسىنداعى بەلگىلى امەريكاندىق ساراپشى، ستەنفورد ۋنيۆەرسيتەتىنىڭ پروفەسسورى فرەنسيس فۋكۋيامامەن بەينە بايلانىس ارقىلى كەزدەسۋ وتكىزدى.
تاراپتار الەمدىك دامۋدىڭ زاماناۋي ۇردىستەرىن جانە كوروناۆيرۋستان كەيىنگى كەزەڭدە گەوساياسات ءتارتىبىن جاڭعىرتۋدىڭ كەلەشەگىن تالقىلادى. سونداي- اق COVID-19 پاندەمياسىنان جيناقتالعان تاجىريبەنى ەسكەرە وتىرىپ، الەمدىك ەكونوميكانىڭ تەحنولوگيالىق ءتارتىبىن وزگەرتۋدىڭ نەگىزگى فاكتورلارى جانە حالىقارالىق بايلانىستاردىڭ وزگەرۋىن وزەكتەندىرۋ ماسەلەلەرى تالقىلاندى.
پرەزيدەنت امەريكالىق عالىمعا قازاقستاندا جۇرگىزىلىپ جاتقان رەفورمالار، ەلىمىزدىڭ سىرتقى ساياساتتاعى نەگىزگى باسىمدىقتارى، سونىڭ ىشىندە، ورتالىق ازيا ايماعىنا قاتىستى ۇستانىمدارى تۋرالى ايتتى. قاسىم- جومارت توقايەۆ اڭگىمەلەسۋ سوڭىندا ەپيدەميولوگيالىق جاعداي جاقسارعاننان كەيىن فرەنسيس فۋكۋيامانى قازاقستانعا كەلۋگە شاقىردى. پروفەسسور ءوز كەزەگىندە مەملەكەت باسشىسىنا كەزدەسۋ ءۇشىن العىس ءبىلدىرىپ، بولاشاقتا حالىقارالىق ساياساتتىڭ وزەكتى ماسەلەلەرى بويىنشا ءوزارا تابىستى ىنتىماقتاستىق ورناتاتىنىنا سەنىم ءبىلدىردى.
***
انىقتاما: فرەنسيس فۋكۋياما - پوليتولوگيانىڭ قۇرمەتتى پروفەسسورى، موسباحەر ينستيتۋتىنىڭ دەموكراتيا، دامۋ جانە قۇقىق ۇستەمدىگى ماسەلەلەرى ورتالىعىنىڭ ديرەكتورى، ستەنفورد ۋنيۆەرسيتەتىنىڭ ف. سپولي اتىنداعى حالىقارالىق زەرتتەۋلەر ينستيتۋتىنىڭ اعا عىلىمي قىزمەتكەرى. ءبىرقاتار ىرگەلى زەرتتەۋ جۇمىستارى توپتاماسىنىڭ جانە الەمنىڭ جەتەكشى باسىلىمدارىندا جاريالانعان عىلىمي ماقالالاردىڭ اۆتورى. سونداي- اق بەدەلدى Foreign Policy جۋرنالى ونى بىرنەشە رەت الەمنىڭ ۇزدىك 100 ويشىلىنىڭ تىزىمىنە ەنگىزگەن.
