فۋتزال: قازاقستان سىرت الاڭدا بەلارۋستەن باسىم ءتۇستى
ەستەرىڭىزگە سالا كەتەلىك، قازاقستاندىق فۋتزالشىلار بەسىنشى توپقا ءتۇستى. قارسىلاستارى - ۆەنگريا، بەلارۋس جانە يزرايل قۇرامالارى.
قازاقستاندىق قۇراما بۇگىنگە دەيىن ءوز الاڭىندا ۆەنگريادان 5:0، بەلارۋستەن 5:2 ەسەبىمەن باسىم ءتۇستى. ال 28- قاڭتارعا بەلگىلەنگەن يزرايلمەن سىرت الاڭداعى ويىن سول ەلدەگى كوروناۆيرۋسكە قارسى شارالارعا بايلانىستى وتكىزىلمەي قالدى.
ەندى قوس قۇرامانىڭ ەكى ويىنى دا ەلوردادا «جەكپە-جەك» ستاديونىندا بولادى. ول 9- جانە 11- ءساۋىر كۇندەرىنە بەلگىلەنگەن. بۇگىنگى كەزدەسۋدە قازاقستاندىق فۋتزالشىلار تىزگىندى ءوز قولىنا الۋعا تىرىستى. ناتيجەسىندە ءبىرىنشى كەزەڭدە قازاقستاندىق داۋرەن نۇرعوجين 6، داۋرەن نۇرعوجين 16-مينۋتتاردا مەرگەندىك تانىتتى. ەكىنشى كەزەڭدە قازاقستاندىق قۇراما باسىمدىعىن ارتتىردى.
ويىننىڭ 22-مينۋتتا تاينان ەسەپتى ۇستەمەلەي ءتۇستى. دەگەنمەن 23-مينۋتتا بەلارۋستىك انتون ماتۆيەنكو مۇمكىندىكتى ءمۇلت جىبەرگەن جوق. سودان كەيىن دۋگلاس جۋنيور 28، لەو 32، داۋرەن تۇرساعۇلوۆ 36-مينۋتتاردا گول سوعىپ كەتتى.
وسىلايشا قازاقستان قۇراماسى قارسىلاسىن 6:1 ەسەبىمەن تىزە بۇكتىردى. ەندى قازاقستان قۇراماسى 6- ساۋىردە سىرت الاڭدا ۆەنگريامەن كەزدەسەدى.
ايتا كەتەلىك، قازاقستاندىق فۋتزالشىلار بۇدان بۇرىن ەۋروپا چەمپيوناتى فينالدىق كەزەڭىندە ەكى مارتە باق سىنادى. 2016، 2018-جىلداردا قولا جۇلدە الدى. ەۋروپا چەمپيوناتىنىڭ فينالدىق ساتىسى 2022-جىلدىڭ 19- قاڭتار جانە 6- اقپان ارالىعىندا نيدەرلاندىنىڭ امستەردام جانە گرونينگەن قالالارىندا وتكىزىلەدى.
