جامبىل وبلىستىق ىشكى ساياسات باسقارماسىنىڭ باسشىسى تاعايىندالدى

تاراز. قازاقپارات - جامبىل وبلىسىنىڭ اكىمىنىڭ وكىمىمەن وبلىس اكىمدىگى ىشكى ساياسات باسقارماسىنىڭ باسشىسى بولىپ بەيقۇت جامانكوزوۆ تاعايىندالدى، دەپ حابارلايدى قازاقپارات ءتىلشىسى.

بەيقۇت تىلەبالدى ۇلى 1969 -جىلى تۋعان، ءبىلىمى جوعارى. م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن «دەنە شىنىقتىرۋ مادەنيەتى جانە ەڭبەك»، قىرعىز-رەسەي ءبىلىم بەرۋ اكادەمياسىن «قۇقىق تانۋ»، جامبىل گۋمانيتارلىق- تەحنيكالىق ۋنيۆەرسيتەتىن «قارجى» ماماندىقتارى بويىنشا بىتىرگەن.

ەڭبەك جولىن 1990 -جىلى قورداي اۋدانى شارباقتى اۋىلى №36 ن. ساۋرانبايەۆ اتىنداعى ورتا مەكتەبىنىڭ مۇعالىمى بولىپ باستاعان. 1995-2003 -جىلدارى اتالعان مەكتەپتىڭ ديرەكتورى، 2003-2008 -جىلدارى قورداي اۋدانى اكىمدىگىنىڭ ءبىلىم ءبولىمى باسشىسىنىڭ ورىنباسارى، 2008-2010 -جىلدارى قورداي اۋدانى اكىمىنىڭ ورىنباسارى، 2010-2012 -جىلدارى جامبىل وبلىسى اكىمدىگىنىڭ ءبىلىم باسقارماسى باسشىسىنىڭ ورىنباسارى قىزمەتتەرىن اتقارعان.

2012 -جىلعى قىركۇيەكتەن باستاپ بۇگىنگى كۇنگە دەيىن قورداي اۋدانى اكىمىنىڭ ورىنباسارى لاۋازىمىندا قىزمەت اتقارىپ كەلدى.

اۆتور: سايا سەمباي