18:01, 21 - اقپان 2021 | GMT +5
نۇر- سۇلتاندا سالىنىپ جاتقان مەشىت كونسترۋكسياسى وپىرىلىپ ءتۇستى
نۇر- سۇلتان. قازاقپارات - ەلوردا سالىنىپ جاتقان ورتالىق ازياداعى ەڭ ۇلكەنن مەشىتتىڭ قۇرىلىس جۇمىستارى بارىسىندا كونسترۋكسيا وپىرىلىپ ءتۇستى، دەپ حابارلايدى قازاقپارات ءتىلشىسى.

«19 -اقپان كۇنى باس مەشىتتىڭ قۇرىلىسى جۇمىستارىن جۇرگىزۋ بارىسىندا مونتاجدالعان مەتالل كونسترۋكسيا قۇلادى. (...) كونسترۋكسيا قۇلاعان ساتتە قۇرىلىسشىلار تۇسكى ۇزىلىستە بولعان. باس مەردىگەر «سەمبول قۇرىلىس» كومپانياسى تەرگەۋ جۇرگىزەتىن كوميسسيا قۇرادى»، - دەدى نۇر- سۇلتان قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنەن.
ۆەدومستۆو ۇسىنعان اقپاراتقا سايكەس، توتەنشە وقيعا كەزىندە زارداپ شەككەندەر مەن قازا تاپقاندار جوق.
«شاقىرتۋ تۇسكەن جەرگە وندىرىستىك قاۋىپسىزدىك دەپارتامەنتىنىڭ قىزمەتكەرلەرى باردى»، - دەپ قوستى دەپارتامەنتتەن.
ايتا كەتەيىك، توتەنشە وقيعا ورىن العان جەردەن تۇسىرىلگەن ۆيدەو الەۋمەتتىك جەلىدە تارادى. ۆيدەولاردىڭ ءبىرىنىڭ اۆتورى قۇلاعان كونسترۋكسيا ەكى كراندى مايىستىرعانىن ايتادى.
اۆتور: مارلان جيەمباي