16:48, 20 - اقپان 2021 | GMT +5
پرەزيدەنت جاڭاتاس قالاسىندا قازا بولعان بالالاردىڭ اتا- انالارىنا كوڭىل ايتتى
نۇر- سۇلتان. قازاقپارات - پرەزيدەنت قاسىم- جومارت توقايەۆ جاڭاتاس قالاسىندا بولعان ءورت سالدارىنان بالالاردىڭ قازا بولۋىنا بايلانىستى كوڭىل ايتۋ جەدەلحاتىن جولدادى، دەپ حابارلايدى قازاقپارات.
بۇل تۋرالى ق ر پرەزيدەنتىنىڭ باسپا ءسوز حاتشىسى Facebook-تەگى پاراقشاسىندا جازدى.
«مەملەكەت باسشىسى ابدىمالىكوۆتەر وتباسىنىڭ قايعىلارىن ءبولىسىپ، قازا بولعان بالالاردىڭ اتا- انالارى مەن تۋىستارىنا جۇباتۋ لەبىزىن ءبىلدىردى. پرەزيدەنت بۇل جاعدايدى ءبىر عانا وتباسىنىڭ ەمەس، بۇكىل ەلىمىزدىڭ باسىنا تۇسكەن تراگەديا دەپ سانايدى. ول بالالاردىڭ اتا- انالارىنا جان- جاقتى كومەك كورسەتۋدى تاپسىردى. مەملەكەت باسشىسىنىڭ كوڭىل ايتۋ جەدەلحاتىن جامبىل وبلىسىنىڭ اكىمى بەردىبەك ساپاربايەۆ جەتكىزدى»، - دەپ جازدى بەرىك ءۋالي.
