21:30, 19 - اقپان 2021 | GMT +5
وسكەمەندە شەنەۋنىكتەردىڭ توبەلەسى: مەملەكەتتىك قىزمەت اگەنتتىگى تۇسىنىك بەردى
نۇر- سۇلتان. قازاقپارات - مەملەكەتتىك قىزمەت ىستەرى اگەنتتىگىنىڭ باسپا ءسوز حاتشىسى ەرحان تاتكەن «وسكەمەندەگى شەنەۋنىكتەر توبەلەسىنە» قاتىستى بەينەماتەريال بويىنشا اگەنتتىكتىڭ پوزيتسياسىن جەتكىزدى، دەپ حابارلايدى قازاقپارات.
«قازىرگى ۋاقىتتا اگەنتتىكتىڭ شىعىس قازاقستان وبلىسى بويىنشا دەپارتامەنتى ورىن العان جاعدايعا مەملەكەتتىك قىزمەتشىلەردىڭ قاتىسى بولۋى نەمەسە بولماۋىن انىقتاۋ ماقساتىندا ءتيىستى جۇمىستاردى اتقارۋدا. اگەنتتىك اتالعان ماسەلەنى ەرەكشە باقىلاۋعا الدى. تەكسەرىس ناتيجەلەرى تۋرالى جۇرتشىلىققا قوسىمشا حابارلاناتىن بولادى»، - دەدى ە. تاتكەن.
ەسكە سالايىق، Instagram-اككاۋنتتاردىڭ بىرىندە ۆيدەو جاريالانعان بولاتىن. ۆيدەوعا بەرىلگەن كوممەنتارييدە ايتىلعانداي، وسكەمەن مەيمانحانالارىنىڭ بىرىندە قالا شەنەۋنىكتەرى جانجالداسىپ، ونىڭ سوڭىندا ءبىر ادام پىشاق جاراقاتىن الدى.
