20:46, 19 - اقپان 2021 | GMT +5
قازاقستاندىق اسكەريلەر كوروناۆيرۋسقا قارسى ەكپە الۋعا دايىن با؟
نۇر-سۇلتان. قازاقپارات - ق ر قارۋلى كۇشتەرىندە ۆاكسينالاۋ جۇرگىزۋ ءۇشىن جەكە قۇرامنىڭ باسىم ساناتتارى ايقىندالىپ، ونى الۋ كەزەكتىلىگى جوسپارلاندى.
قورعانىس ءمينيسترى نۇرلان ەرمەكبايەۆ وسىلاي ءمالىم ەتتى، دەپ حابارلايدى قازاقپارات.
«ق ر قارۋلى كۇشتەرىندە ناۋرىز ايىندا COVID-19 عا قارسى ەكپە جۇمىستارى باستالادى. ەكپە جۇرگىزۋدە جەكە قۇرامنىڭ باسىم ساناتتارى ايقىندالىپ، ونى الۋ كەزەكتىلىگى جوسپارلاندى. اسكەري قىزمەتشىلەردىڭ پىكىرلەرى الدىن-الا زەردەلەندى. بارلىعى كوروناۆيرۋسقا قارسى ەكپەنىڭ قاجەتتىلىگىن قولدايدى»، دەپ جازدى مينيستر Twitter- دەگى پاراقشاسىندا.
ەسكە سالا كەتسەك، بۇعان دەيىن اسكەري قىزمەتكەرلەردى كوروناۆيرۋسقا قارسى ۆاكسينالاۋ ناۋرىزدا باستالاتىنى حابارلانعان.
اۆتور: اياۋلىم التىنبەك
