قازاقستانعا ۆيزاسىز قاتىنايتىن مەملەكەتتەر ءتىزىمى ۇزارتىلماق
«2020 -جىلى ءبىز ۆيزاسىز كىرە الاتىن ەلدەردىڭ ءتىزىمىن 74 ەلگە جەتكىزدىك. 105 ەلدىڭ ازاماتتارى ءۇشىن ەلەكتروندى ۆيزا ەنگىزىلدى. پيلوتتىق رەجيمدە قىتاي مەن ءۇندىستان ازاماتتارى ءۇشىن 72 ساعاتتىق ۆيزاسىز ترانزيت پايدا بولدى. شەكارا بەكەتتەرىن مودەرنيزاتسيالاۋ باستالدى. شەتەلدىك اۆياكومپانيالاردى ەلىمىزدىڭ 11 قالاسىنا كەلىپ، جولاۋشىلاردى قابىلداي الاتىنداي ەتىپ ىسكە قوسۋدى باستادىق (Open Sky رەجيمى)»، - دەدى القا ءماجىلىسى بارىسىندا مادەنيەت جانە سپورت ۆيتسە- ءمينيسترى عابيدوللا ءابدىراحىموۆ.
ونىڭ ايتۋىنشا 2021 - جىلى ۆيزاسىز كىرە الاتىن ەلدەردىڭ ءتىزىمىن 90-عا دەيىن كەڭەيتۋ جوسپارلانعان. ەلەكتروندى ۆيزا الۋ پروتسەسىن جەڭىلدەتۋ ءۇشىن شەتەلدىكتەرگە ۆيزاسىز رەجيم ۇسىنىسى دا دايىندالۋدا.
«سونىمەن قاتار ءبىز 160 قوناقۇيدە پيلوتتىق رەجيمدە E- Qonaq جۇيەسىن ەنگىزۋدى اياقتادىق. ەندى وسى جۇيەنىڭ ارقاسىندا كەز- كەلگەن شەتەلدىك تۋريستكە بولەك تىركەلۋدىڭ قاجەتى جوق. مۇنىڭ ءبارى ازامات قوناق ۇيگە كىرىپ ۇلگەرگەن كەزدە اۆتوماتتى تۇردە بولادى»، - دەدى ول.
اۆتور: ايان بەكەن ۇلى
