20:31, 18 - اقپان 2021 | GMT +5
الماتىدا ماس كۇيىندە ەكسكاۆاتورمەن جۇمىس ىستەگەن جۇرگىزۋشى ۇستالدى
الماتى. قازاقپارات - الماتىدا ماس كۇيىندە جۇمىس ىستەگەن ەكسكاۆاتور جۇرگىزۋشىسى ۇستالدى، دەپ حابارلايدى قازاقپارات ءتىلشىسى.
الماتى پوليتسياسى 51 جاستاعى ازاماتتى يندۋستريالدى ايماقتا ۇستادى. ونىڭ ءىس-ارەكەتى بىردەن كۇدىك تۋدىرعان.
«ونىڭ قاتتى قوبالجىعانى ءبىلىندى، الكوگولدىڭ ءيىسى شىعىپ تۇردى. ءبىزدىڭ كۇدىگىمىزدى سوت- ناركولوگيالىق ساراپتاما راستادى. ۇستالعان ازامات ىشىمدىك ىشكەن. جۇرگىزۋشى اۋىر قۇرىلىس تەحنيكاسىن باسقارۋدان شەتتەتىلدى»، - دەيدى الاتاۋ اۋداندىق اكىمشىلىك پوليتسيا باسقارماسىنىڭ باسشىسى باۋكەن بايىمبەتوۆ.
ۇستالعان ازاماتقا قاتىستى اكىمشىلىك حاتتاما تولتىرىلدى. جينالعان ماتەريالدار شەشىم قابىلداۋ ءۇشىن الماتى قالاسىنىڭ مامانداندىرىلعان اۋدانارالىق اكىمشىلىك سوتىنا جىبەرىلدى.
اۆتور: الما مۇقانوۆا
