التاي كولگىنوۆ ەلوردالىقتارعا ۇندەۋ جاسادى
«وزدەرىڭىز بىلەتىندەي، ەلوردامىزدىڭ اۋداندارىن پوليورتالىق قاعيداتى بويىنشا دامىتۋدامىز. بۇل دەگەنىمىز - قادامدىق جاقىن جەردە ورنالاسقان الەۋمەتتىك نىساندار، ۋاقىت وتكىزۋگە ارنالعان اباتتانعان ورىندار، ينفراقۇرىلىمى دامىعان، جاسىل باقتارى جانە ت. ب. بار قالا. «الەۋمەتتىك جەلىلەر مەن مەسسەندجەرلەر ارقىلى قالانى دامىتۋ بويىنشا ۇسىنىستارىڭىز كەلىپ تۇسۋدە. بۇل ءبىزدى قاتتى قۋانتادى. وسى جۇمىستى جۇي̆ەلەۋ جانە ەلوردانى سىزدەرمەن بىرگە دامىتۋ ءۇشىن «Birge» سايتى ىسكە قوسىلدى»، - دەپ جازدى اكىم جەلىدەگى پاراقشاسىندا.
سايتتا ءسىز ءار ءتۇرلى باعىتتار بويىنشا ۇسىنىستار قالدىرۋعا بولادى. «اپاتتى ەسكى تۇرعىن ۇيلەردى ءسۇرۋ، ەكولوگيا، گازداندىرۋ، كوگالداندىرۋ، قوعامدىق كەڭىستىك، كوشەلەردى جارىقتاندىرۋ، جانۋارلاردى قورعاۋ، تۇرعىن ءۇي- كوممۋنالدىق شارۋاشىلىعى، قۇرىلىس، ءبىلىم بەرۋ، قاۋىپسىزدىك، دەنساۋلىق ساقتاۋ، الەۋمەتتىك سالا، ۋربانيستيكا - قالالىق ورتا، بيزنەس، كولىك، سانيتاريالىق تازارتۋ سەكىلدى ساناتتار جەكە بەرىلدى. پلاتفورمانىڭ جۇمىس ىستەۋ پروتسەسى قاراپايىم: ءبىرىنشىسى - يدەيانى ۇسىنۋ، ەكىنشىسى - ىرىكتەۋ، ءۇشىنشىسى - جوبانى جۇزەگە اسىرۋ. تۇرعىنداردىڭ ەڭ جاقسى ۇسىنىستارىن جۇزەگە اسىرامىز»، - دەدى اكىم.
