ەلوردادا سالىنىپ جاتقان بيىك ءۇيدىڭ توبەسىندە قۇرباندىققا سيىر شالماق بولدى
نۇر-سۇلتان قالالىق پوليتسيا دەپارتامەنتىنىڭ مالىمەتىنشە، مونيتورينگ جۇرگىزۋ بارىسىندا ەلوردالىق پوليتسەيلەر سيىردى مۇنارا كرانىمەن كوتەرۋ فاكتىسىن انىقتادى. وقيعا 15-اقپان كۇنى ساعات 11-30 دا ناجىمەدەنوۆ كوشەسىندە سالىنىپ جاتقان تۇرعىن ءۇي كەشەنىندە بولعان.
«پوليتسيا قىزمەتكەرلەرى وقيعانىڭ بارلىق قاتىسۋشىلارىن انىقتادى. اتالعان فاكتى بويىنشا تەكسەرىس جۇرگىزىلۋدە. ق ر زاڭناماسىنا سايكەس شارا قولدانىلادى. سالىنىپ جاتقان اتالعان قۇرىلىس ۋچاسكەسىنىڭ باستىعى ولجاس ەسەنالين سيىردى قۇرباندىققا شالىپ، ەتىپ مۇقتاج ادامدارعا تاراتپاق بولعاندىقتارىن ايتادى.
«مەن سالىنىپ جاتقان ۋچاسكەنىڭ باستىعىمىن، اتى-ءجونىم - ولجاس ەسەنالين. وسى وقيعا قاتىستى قوعامنان كەشىرىم سۇرايمىن. نيەتىمىز ادال. بۇل قۇرباندىق بولاتىن، ەتىن از قامتىلعان وتباسىلارعا تاراتپاق ەدىك»، - دەدى ول.
