ۇكىمەت باسشىسى الەۋمەتتىك- ەكونوميكالىق دامۋ كورسەتكىشى جوعارى وڭىرلەردى اتادى

نۇر-سۇلتان. قازاقپارات - ازاماتتاردىڭ قاۋىپسىزدىگىن قامتاماسىز ەتۋ ءۇشىن كەي وڭىرلەردە بەلگىلى ءبىر شەكتەۋلەر ءالى دە قولدانىلىپ وتىر.

بۇل تۋرالى بۇگىن ۇكىمەت وتىرىسىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«ەپيدەميولوگيالىق جاعداي باقىلاۋدا. ازاماتتاردىڭ قاۋىپسىزدىگىن قامتاماسىز ەتۋ ءۇشىن كەيبىر وڭىرلەردە بەلگىلى ءبىر شەكتەۋلەر ءالى دە قولدانىلىپ وتىر. بيىلعى قاڭتار ايىنىڭ قورىتىندىسى بويىنشا 7 نەگىزگى كورسەتكىشتىڭ ىشىندە 5 بويىنشا سەگىز وڭىردە الەۋمەتتىك- ەكونوميكالىق دامۋدىڭ ءوسۋى بايقالۋدا. ولار - اقمولا، اقتوبە، الماتى، جامبىل، قوستاناي وبلىستارى مەن نۇر- سۇلتان، الماتى جانە شىمكەنت قالالارى»، - دەدى اسقار مامين.

ۇكىمەت باسشىسى بەس وڭىردە 4 كورسەتكىش بويىنشا وڭ ديناميكا بايقالاتىندىعىن ايتتى.

«ولار - قاراعاندى، قىزىلوردا، پاۆلودار، تۇركىستان، شىعىس قازاقستان وبلىستارى. سولتۇستىك قازاقستان، اتىراۋ، باتىس قازاقستان جانە ماڭعىستاۋ وبلىستارىنىڭ قول جەتكىزگەن كورسەتكىشتەرى تومەن»، - دەدى پرەمەر- مينيستر.

اۆتور: مارلان جيەمباي