18:50, 15 - اقپان 2021 | GMT +5
پرەزيدەنت ءشومىشباي ساريەۆتىڭ جاقىن تۋىستارىنا كوڭىل ايتتى
نۇر- سۇلتان. قازاقپارات - پرەزيدەنت قاسىم- جومارت توقايەۆ اقىن، قازاقستاننىڭ ەڭبەك سىڭىرگەن قايراتكەرى ءشومىشباي ساريەۆتىڭ وتباسى مەن جاقىن تۋىستارىنا كوڭىل ايتتى، دەپ حابارلايدى اقوردا.
مەملەكەت باسشىسى قاسىم- جومارت توقايەۆ اسا كورنەكتى اقىن، قازاقستاننىڭ ەڭبەك سىڭىرگەن قايراتكەرى ءشومىشباي ناعاشىباي ۇلى ساريەۆتىڭ دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنا كوڭىل ايتىپ، جەدەلحات جولدادى.
«ءشومىشباي ناعاشىباي ۇلى قازاق پوەزياسىنىڭ كوشىن العا باستاعان قالامگەردىڭ ءبىرى بولدى. ورەلى ولەڭدەرى مەن پوەمالارى وقىرماندار تاراپىنان جوعارى باعاسىن الدى. ۇزاق جىلعى شىعارماشىلىق جولدا جەمىستى ەڭبەك ەتىپ، حالقىمىزدىڭ رۋحاني بايلىعىن دامىتۋعا مول ۇلەس قوستى. مارقۇمنىڭ جانى ءجانناتتا، يمانى سالامات بولسىن»، - دەلىنگەن جەدەلحاتتا.
بۇگىن قازاقستاننىڭ ەڭبەك سىڭىرگەن قايراتكەرى ءشومىشباي ساريەۆ 75 جاسقا قاراعان شاعىندا قايتىس بولدى. ەلباسى ءشومىشباي ساريەۆتىڭ وتباسىنا كوڭىل ايتۋ جەدەلحاتىن جولدادى.
