قاراعاندىدا وندىرىلەتىن ۆاكسينا رەسمي تىركەلدى
13-اقپاندا ق ر دەنساۋلىق ساقتاۋ مينيسترلىگىنىڭ ساراپتاما ۇيىمى تىركەۋ دەرەكناماسىنىڭ ماتەريالدارىن قاراۋ ناتيجەسى بويىنشا ۆاكسينانىڭ قاۋىپسىزدىگى، ساپاسى مەن تيىمدىلىگى تۋرالى قورىتىندى بەرگەن.
اتالعان قورىتىندى نەگىزىندە ق ر د س م مەديتسينالىق جانە فارماتسيەۆتيكالىق باقىلاۋ كوميتەتىنە تىركەۋ كۋالىگىن الۋعا ءوتىنىم جولداندى. وسىلايشا، قازاقستان «سپۋتنيك- V» ۆاكسيناسىن قولدانۋدى ماقۇلداعان 27-مەملەكەت بولدى.
بۇگىنگى كۇنى ۆاكسينا رەسەي، بەلارۋس، ارگەنتينا، بوليۆيا، سەربيا، الجير، پالەستينا، ۆەنەسۋەلا، پاراگۆاي، تۇرىكمەنستان، ماجارستان، ب ا ءا، يران، گۆينەيا رەسپۋبليكاسى، تۋنيس، ارمەنيا، مەكسيكا، نيكاراگۋا، سەرب رەسپۋبليكاسى (بوسنيا جانە گەرسەگوۆينا ەنتيتەتى)، ليۆان، ميانما، پاكىستان، موڭعوليا جانە باحرەين سياقتى مەملەكەتتەردە تىركەلگەن.
ەستەرىڭىزگە سالا كەتەيىك، قازاقستاندا ۆاكسينا ءوندىرۋ تۋرالى شەشىم ق ر دەنساۋلىق ساقتاۋ مينيسترلىگى مەن رەسەيدىڭ تىكەلەي ينۆەستيتسيالار قورىنىڭ كوميسسياسى قازاقستاندىق فارماتسيەۆتيكالىق كاسىپورىندارىنا جۇرگىزىلگەن ساراپتامالارىنىڭ ناتيجەسىندە قابىلدانعان بولاتىن. ق ف ك الاڭى رەسەيلىك سۋبستانسيادان دايىن ءونىمدى وندىرۋگە اناعۇرلىم دايىن بولىپ شىقتى. ر ت ي ق ماماندارى جۇرگىزگەن تەحنيكالىق اۋديت ناتيجەسى وندىرىستىك الاڭنىڭ كوروناۆيرۋسقا قارسى ۆاكسينانىڭ دايىن ءتۇرىن شىعارۋ ءۇشىن بارلىق تالاپتارعا سايكەس كەلەتىنىن راستادى.
اقپان ايىنىڭ سوڭىندا ەلىمىزدىڭ بارلىق وڭىرلەرىنە ق ف ك وندىرگەن «سپۋتنيك - V» ۆاكسيناسىنىڭ 90 مىڭعا جۋىق دوزاسىن جەتكىزۋ جوسپارلانىپ وتىر.
دەنساۋلىق ساقتاۋ مينيسترلىگىندە اتاپ وتكەندەي، قازاقستاندا جەرگىلىكتى ازىرلەۋشىلەردىڭ بولۋى، سونداي-اق ۆاكسينالار ءوندىرىسى ءۇشىن جەرگىلىكتى الاڭداردىڭ بولۋى - بۇل ۆاكسينامەن قامتاماسىز ەتۋگە بايلانىستى تاۋەكەلدەردى ازايتۋعا جانە ەلىمىزدىڭ ەپيدەميولوگيالىق احۋالىنىڭ تۇراقتانۋىنا ەلەۋلى ىقپال ەتۋگە مۇمكىندىك بەرەدى.
اۆتور: اياۋلىم التىنبەك
