قازاقستاندا سوڭعى كەزدەردە قانداي قىلمىس جيىلەپ كەلكەنى ايتىلدى

نۇر-سۇلتان. قازاقپارات - كيبەرقىلمىستار سانى دا جيىلەپ كەتتى.

بۇل تۋرالى ق ر ءى ءى م كريمينالدىق پوليتسيا دەپارتامەنتى باستىعىنىڭ ورىنباسارى قانات نۇرماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«پاندەميا كەزىندە الەمدە قابىلدانعان شەكتەۋلەر قوعامداعى ماسەلەلەر مەن مىندەتتەردىڭ كوبىسىن ينتەرنەت جەلىسى ارقىلى شەشۋگە ۇيرەتتى. دەگەنمەن كيبەرقىلمىستار سانى دا جيىلەپ كەتتى، ونىڭ ىشىندە ينتەرنەت- الاياقتىق جاعدايلارى كوبەيدى. وتكەن جىلى مۇنداي 14 مىڭ قىلمىس جاسالسا، ال بيىلدىڭ قاڭتار ايىندا 1700 دەن اسىپ ءتۇستى»، - دەدى ق. نۇرماعامبەتوۆ ونلاين رەجيمدەگى بريفينگىدە.

ونىڭ سوزىنە قاراعاندا، كوپ جاعدايدا الاياق پەن ودان زارداپ شەككەن ادامدار ەلدىڭ ءارتۇرلى وڭىرلەرىندە بولادى. قىلمىسكەرلەر اقشا جىمقىرۋ مەن جەكە مالىمەتتەردى الۋعا، اككاۋنتتار مەن ەلەكتروندى شوتتارعا قول جەتكىزۋگە باعىتتالعان ارەكەتتەردى جاساپ كەلەدى.

«تاجىريبە كورسەتكەندەي، ءبىر الاياقتىڭ سوڭىنان زاڭسىز ارەكەتتەردىڭ تۇتاس تىزبەگى جالعاسىپ جاتادى. قىلمىس جاساۋ ءۇشىن ءتۇرلى بانك شوتتارى، كارتالار، سونداي- اق باسقا ادامدارعا راسىمدەلگەن ابونەتتىك نومىرلەر پايدالانىلادى»، - دەدى كريمينالدىق پوليتسيا دەپارتامەنتىنىڭ وكىلى.

بۇدان بۇرىن حابارلانعانداي، قىلمىستاردىڭ جالپى اۋقىمىندا 10 پايىزدان استامى الاياقتىققا تيەسىلى.

اۆتور: رۋسلان عابباسوۆ