پرەمەر-مينيستر مۇعالىمدەر ەڭبەكاقىسى قانداي كولەمدە وسەتىنىن ايتتى

نۇر-سۇلتان. قازاقپارات - 2023-جىلعا قاراي ءبىلىم بەرۋ جۇيەسى بىلىكتى مۇعالىمدەرمەن 100 پايىز قامتىلادى.

بۇل تۋرالى ماجىلىستە «Nur Otan» پارتياسىنىڭ سايلاۋ الدىنداعى مىندەتتەمەلەرىن ىسكە اسىرۋعا ارنالعان تالقىلاۋ كەزىندە پرەمەر-مينيستر اسقار مامين ءمالىم ەتتى، دەپ حابارلايدى قازاقپارات ءتىلشىسى.

«پەداگوگتاردىڭ جالاقىسى 2023-جىلعا قاراي 2 ەسە كوتەرىلىپ، 330 مىڭ تەڭگەدەن اسادى. ورتاشا جالاقى جىل سايىن كەمىندە 25 پايىز وسەدى»، - دەدى ا. مامين.

ونىڭ ايتۋىنشا، 2023-جىلعا قاراي ءبىلىم بەرۋ جۇيەسى بىلىكتى مۇعالىمدەرمەن 100 پايىز قامتىلادى. بۇدان بۇرىن حابارلانعانداي، ۇكىمەت NurOtan پارتياسىنىڭ پارلامەنت ماجىلىسىندەگى فراكتسياسىنىڭ الدىندا سايلاۋالدى باعدارلامانى جۇزەگە اسىرۋ بويىنشا ءتيىستى جول كارتاسىنىڭ جوباسىن ۇسىندى.

جول كارتاسى سايلاۋالدى باعدارلاماسىنىڭ ءتورت باعىتى بويىنشا 362 ءىس-شارادان تۇرادى.