سۋپەراۋىر سالماقتاعى قازاقستاندىق نوكاۋتشى ناۋرىزدا جەكپە-جەككە شىعادى
سۋپەراۋىر سالماقتاعى بوكسشىنىڭ مەنەدجەرى زيا اليەۆ دايىندىق بارىسى تۋرالى ايتىپ بەردى.
«ءبىز بۇل بويىنشا جۇمىس ىستەپ جاتىرمىز. بىزدە ءارتۇرلى پروموۋتەردەن كوپتەگەن ۇسىنىس بار. ءبىز كىم جانە نە ۇسىناتىنىن قاراستىرامىز، سونىمەن قاتار، دىچكو رينگكە ورالۋى ءۇشىن جۇمىس ىستەپ جاتىرمىز. رينگكە ناۋرىزدا ورالاتىن شىعار. ءبىز جەكپە-جەكتى اقپاندا جوسپارلاعان بولاتىنبىز، ءبىراق امەريكاداعى شوۋلاردىڭ 90 پايىزعا جۋىعى COVID-19 سالدارىنان شەگەرىلدى. ناۋرىزدا دا وتپەيتىن شوۋلار بار، ءبىراق ءبىز سول ايدا ورالۋعا تىرىسامىز»، - دەدى اليەۆ دىچكونىڭ كەلەسى جەكپە-جەگى تۋرالى.
يۆان دىچكو فلوريدادا دايىندىق ۇستىندە. وعان دجون دەۆيد دجەكسون كومەكتەسىپ جاتىر.
قازاقستاندىق بوكسشى كەيىنگى جەكپە-جەگىن 2019-جىلى شىلدەدە امەريكالىق نەيت حەۆەنگە قارسى وتكىزىپ، نوكاۋتپەن جەڭگەن بولاتىن.
