باتىر جۇكەمبايەۆتىڭ ا ق ش- تاعى جەكپە-جەگى قاشان وتەتىنى بەلگىلى بولدى

نۇر-سۇلتان. قازاقپارات - جارتىلاي ورتا سالماقتا ونەر كورسەتەتىن قازاقستاندىق كاسىپقوي بوكسشى باتىر جۇكەمبايەۆ (18-0، 14 KO) كەلەسى كەزدەسۋىن 10-ناۋرىز كۇنى ا ق ش جەرىندە وتكىزەدى، دەپ حابارلايدى Vesti.kz پورتالى.

جەڭىلىستىڭ كەرمەك ءدامىن تاتپاعان جەرلەسىمىز كوننەكتيكۋت شتاتىنداعى انكاسۆيللە قالاسىندا Mohegan Sun سپورت كەشەنىندە وتكىزەدى. بۇل كەزدەسۋدىڭ تىكەلەي ترانسلياتسياسىن ا ق ش جەرىندە Showtime تەلەارناسى كورسەتەدى.

ايتا كەتەيىك، جۇكەمبايەۆ بۇعان دەيىن كاسىپقوي بوكستاعى بارلىق كەزدەسۋلەرىن كانادا وتكىزەدى. ول جاقتا وتانداسىمىز Eye of the Tiger Management پروموۋتەرلىك كومپانياسىمەن جۇمىس ىستەيدى. جۋىردا ول ا ق ش- قا كوشىپ، ەندى كەزدەسۋلەرىن سول جاقتا وتكىزۋگە نيەتتى.

سوڭعى رەت باتىر شارشى الاڭعا وتكەن جىلدىڭ قاڭتار ايىندا مونرەال قالاسىندا وتكىزىپ، مەكسيكالىق بوكسشى ريكاردو لارۋدان (22-8، 10 ك و) ۇستەم ءتۇستى.