ءاليحان سمايىلوۆ بيۋدجەتتىڭ كىرىس بولىگىن ۇلعايتۋ جۇمىستارى قالاي جۇرەتىنىن ايتتى
«نۇر وتان» پارتياسىنىڭ سايلاۋالدى باعدارلاماسىندا قويعان جانە ىسكە اسىرىلۋى ءتيىس بيۋدجەت شىعىستارىنىڭ ۇلعايتۋدى تالاپ ەتەتىن مىندەتتەردى ەسكەرە وتىرىپ، ۇكىمەت رەسپۋبليكالىق بيۋدجەتتىڭ تەڭگەرىمدى بولۋىن قالاي قامتاماسىز ەتەدى»، - دەپ سۇرادى دەپۋتات مارات قۇسايىنوۆ.
ءوز كەزەگىندە ق ر پرەمەر- ءمينيسترىنىڭ ءبىرىنشى ورىنباسارى ءاليحان سمايىلوۆ وتكەن جىلى ۇلتتىق قور قاۋىپسىزدىك قورعانىسى رەتىندە جۇمىس ىستەگەنىن، بۇل ءوز كەزەگىندە الەۋمەتتىك ءارى ەپيدەميولوگيالىق ءىس- شارالاردى ىسكە اسىرۋعا، ەكونوميكانى، حالىقتى، كاسىپكەرلەردى قولداۋعا مۇمكىندىك بەرگەنىن اتاپ ءوتتى.
«بيىل ەكونوميكانى قولداۋ ءۇشىن ءتيىستى شارالار قابىلداۋ قاجەتتىگى تۋىنداۋى مۇمكىن. سەبەبى كوروناۆيرۋسقا بايلانىستى شەكتەۋ قادامدارى جالعاسىپ كەلەدى. سونىمەن بىرگە ۇكىمەتتىڭ الدىندا «نۇر وتان» پارتياسىنىڭ سايلاۋالدى باعدارلاماسىن ىسكە اسىرۋ مىندەتى تۇر. ول ءۇشىن قوسىمشا قارجىلاندىرۋ كەرەك. الدىمىزداعى بەس جىلدىڭ ىشىندە باعدارلامانى جۇزەگە اسىرۋ ءۇشىن 21 تريلليون تەڭگە قاجەت. بۇل تۇرعىدا بيۋجەتتىڭ كىرىس بولىگىن ۇلعايتۋ جۇمىستارى جۇرگىزىلەدى. نەگىزىنەن سالىق، كەدەندىك اكىمشىلەندىرۋدى ارى قاراي سيفلاندىرۋ جۇمىستارى، سونداي- اق «كولەڭكەلى» ەكونوميكانى قىسقارتۋ بويىنشا ارنايى كەشەندى جوسپاردى ىسكە اسىرۋ ەسەبىنەن بولادى»، - دەپ ءتۇسىندىردى ءا. سمايىلوۆ.
سونىمەن قاتار ول بيۋدجەت شىعىستارىن وڭتايلاندىرۋ جالعاساتىنىن ايتتى.
«سوڭعى ەكى جىلدا 3,5 تريلليون تەڭگەگە بيۋدجەت شىعىستارىن وڭتايلاندىردىق. بۇل جۇمىستى جالعاستىرامىز. ارنايى ءادىسناما ازىرلەندى، اقپاراتتىق جۇيە قارجى مينيسترلىگىندە دايارلاندى. مۇنىمەن قوسا، ۇكىمەت ينۆەستيتسيا تارتۋ جۇمىستارىن جۇرگىزىپ جاتىر. الدىمىزداعى 5 جىلدا 118 تريلليون تەڭگەگە ينۆەستيتسيا تارتىلادى»، - دەدى پرەمەر- ءمينيستردىڭ ءبىرىنشى ورىنباسارى.
اۆتور: رۋسلان عابباسوۆ
