قازاقستان اۋماعىنا ەتنيكالىق قازاقتار قولدانىستاعى ۆيزامەن كىرە الادى - ۇ ق ك شەكارا قىزمەتى

نۇر- سۇلتان. قازاقپارات – ق ر ۇ ق ك شەكارا قىزمەتى شەتەل ازاماتتارى قازاقستان اۋماعىنا قانداي سەبەپتەرمەن كىرە الاتىنى تۋرالى ءتۇسىندىردى، دەپ حابارلايدى قازاقپارات ءتىلشىسى.

«مەملەكەتتىك شەكارادان ءوتۋ ءراسىمىنىڭ 1-تارماعىنا سايكەس شەتەلدىك ازاماتتار قازاقستان رەسپۋبليكاسىنىڭ اۋماعىنا ديپلوماتيالىق قىزمەت وكىلدەرى، رەسمي دەلەگاتسيالاردىڭ، حالىقارالىق ۇيىمداردىڭ مۇشەلەرى، جەكە باسىن كۋالاندىراتىن قۇجاتتارى بار ەتنيكالىق قازاقتار قولدانىستاعى ۆيزامەن كىرە الادى»، - دەيدى شەكارا قىزمەتىنىڭ شەكارالىق باقىلاۋ دەپارتامەنتىنىڭ وكىلى، پودپولكوۆنيك مۋنداش مۋللۋاشيەۆ.

بۇل پويىز جانە لوكوموتيۆ بريگادالارىنىڭ مۇشەلەرىنە، شەتەلدىك اۆياتسيا كومپانيالارىنىڭ قىزمەتكەرلەرىنە، اسكەري قۇرامعا كىرەتىن رەسەي فەدەراتسياسىنىڭ ازاماتتارىنا دا قاتىستى. بۇل - رەسەي فەدەراتسياسىنىڭ ازاماتتارى، بايقوڭىر كەشەنى اۋماعىندا ورنالاسقان وتباسى مۇشەلەرى، ۇكىمەتارالىق كۋرەرلىك بايلانىس مۇشەلەرى، قازاقستان رەسپۋبليكاسىندا قۇجاتتالعان ازاماتتىعى جوق ادامدار. اۋىر ناۋقاستاردى كۇتۋگە كەلگەندەر جانە جەرلەۋ راسىمىنە باراتىندار.

«سونداي- اق، 30 كۇندە ءبىر رەت قازاقستان رەسپۋبليكاسىندا تۇرۋعا ىقتيارحاتى بار ادامدار مەن قازاقستان رەسپۋبليكاسى ازاماتتارىنىڭ اراسىنان جاقىن تۋىستارى بار شەتەلدىكتەر ەلگە كىرۋگە قۇقىلى. سونىمەن قاتار، قازاقستان رەسپۋبليكاسىنىڭ اۋماعىندا وقۋدان وتكەن شەتەلدىك ازاماتتارعا ەلگە كىرۋگە رۇقسات ەتىلەدى. بۇلار - وقۋشىلار، ستۋدەنتتەر، كۋرسانتتار، تىڭداۋشىلار. ەگەر وقۋشىلار كامەلەتكە تولماعان بالالار بولسا، زاڭدى وكىلدەر (اتا- انالار) بالالاردى ەرتىپ جۇرە الادى. سونداي- اق، قازاقستانعا تاسىمالداۋدى، جۇك تاسىمالداۋدى جۇزەگە اسىراتىن ادامدار، سونداي- اق قازاقستان اۋماعىنا اۋىساتىن تەڭىز كەمەلەرىنىڭ ەكيپاجدارى كىرە الادى»، - دەيدى ول.

جاقىن تۋىستارىنىڭ قاسىندا جۇرگەن نەمەسە كەرى قايتقىسى كەلەتىن شەتەلدىك ازاماتتار ەلگە كەلگەننەن كەيىن 30 كۇن وتكەننەن سوڭ عانا قايتا الادى. بۇل شەكتەۋلەر اۋە كولىگىمەن ساپار شەگەتىن قازاقستان رەسپۋبليكاسىنىڭ ازاماتتارىنا، شەتەلدىكتەرگە قولدانىلمايدى. بۇگىنگى كۇنى قازاقستاندا 14 ەلمەن اۋە قاتىناسى قالپىنا كەلتىرىلدى، ولار:

رەسەي فەدەراتسياسى، بەلارۋس رەسپۋبليكاسى، ۋكراينا، گرۋزيا، وزبەكستان، قىرعىز رەسپۋبليكاسى، گەرمانيا، نيدەرلاندى، بىرىككەن اراب امىرلىكتەرى، تۇركيا، كورەيا، ەگيپەت، مالديۆ ارالدارى جانە شري- لانكا.

قازاقستان رەسپۋبليكاسىنىڭ اۋماعىنا كىرەتىن بارلىق ادامعا كوروناۆيرۋس ينفەكسياسىنا قاتىستى تەستتىڭ تەرىس ناتيجەسى بار پ ت ر انىقتاماسى قاجەت ەكەنىن ايتتى. باس مەملەكەتتىك سانيتارلىق دارىگەردىڭ شەشىمى وسىنداي.

سونداي- اق، باسپا ءسوز ءماسليحاتىندا شەكارادان ءوتۋ تارتىبىنە سايكەس قازاقستان رەسپۋبليكاسىنىڭ ازاماتتارىنا 4 - اقپاننان باستاپ 30 كۇندە ءبىر رەت شەتەلگە شىعۋعا رۇقسات بەرىلەتىنى ايتىلدى.

«وسىلايشا، قازاقستان رەسپۋبليكاسىنىڭ ازاماتى كەز كەلگەن ماقساتتا قازاقستان اۋماعىنان شەتەلگە 30 كۇندە ءبىر رەت شىعا الادى. شەتەلگە بارۋ جيىلىگى ەلدەن شىققان كەزدە انىقتالادى. ەلگە ورالعاننان كەيىن كەلەسى ساپار قازاقستان رەسپۋبليكاسىنا كەلگەن كۇننەن باستاپ 30 كۇن وتكەن سوڭ عانا مۇمكىن بولادى»، - دەپ ءتۇسىندىردى ق ر ۇ ق ك شەكارا قىزمەتىندەگىلەر.

اۆتور: زارينا قاھارمان