ماسكادان سەنىمدىرەك: دارىگەر كوروناۆيرۋستان قورعانۋدىڭ ەڭ جاقسى ءادىسىن اتادى
بۇل تۋرالى ول «ۋكراينا 24» تەلەارناسىنىڭ تىكەلەي ەفيرىندە ايتتى، - دەپ حابارلايدى Tengrinews.kz ءتىلشىسى.
اريستوۆتىڭ ايتۋىنشا، رەسپيراتورلار كوروناۆيرۋستان قورعاۋدا تيىمدىرەك جانە قازىر بۇل قۇرال قولجەتىمدى.
«اڭگىمە ماسكالار تۋرالى ەمەس، رەسپيراتورلار تۋرالى بولۋى كەرەك، ويتكەنى كۇتپەگەن جەردەن ىزدەۋ نەمەسە ەكونوميكالىق جەتىسپەۋشىلىك دەگەندەر ارتتا قالدى. قازىر تىنىس جولدارىنىڭ ينفەكتسياسىنان دۇرىس قورعانۋ كەرەك»، - دەدى دارىگەر.
ونىڭ ايتۋىنشا، رەسپيراتورلار قاراپايىم مەديتسينالىق ماسكالارعا قاراعاندا كوروناۆيرۋستان 12 ەسە جاقسى قورعايدى.
«رەسپيراتورلار مەديتسينالىق ماسكالارعا قاراعاندا 8-12 ەسە جاقسى قورعايتىنى بەلگىلى. ويتكەنى ولار تىعىز ورنالاسادى، تولىق كونتۋر جاسايدى جانە ۆيرۋس قالىڭ قورعانىش ارقىلى سۇزىلەدى. ماسكالار تەك ۆيرۋستىڭ الدىڭعى جاقتان كەلۋىنەن قورعايدى، ال ونىڭ ءۇستى، ەكى جاعى اشىق»، - دەپ ءتۇسىندىردى ۆاديم اريستوۆ.
