ۆاكسينا سالدىرعاننان كەيىن ۆيرۋس جۇقتىرۋ مۇمكىن بە - دارىگەر جاۋابى
ونىڭ ايتۋىنشا، زەرتتەۋلەرگە سايكەس سپۋتنيك V ۆاكسيناسىنىڭ تيىمدىلىگى - % 91,6. «بۇل كورسەتكىش سپۋتنيك V ۆاكسيناسىن العان 19866 ەرىكتى تۋرالى مالىمەتتەر نەگىزىندە جاسالدى»، - دەيدى دارىگەر.
سونىمەن قاتار ول «ۆاكسينا العان ادام كوروناۆيرۋسپەن اۋىرۋى مۇمكىن بە؟» دەگەن ساۋالعا جاۋاپ بەردى. «قازىر وسىعان بايلانىستى ارنايى زەرتتەۋلەر جۇرگىزىلىپ جاتىر. سپۋتنيك V ۆاكسيناسىندا يممۋنيتەت 2 جىلعا جۋىق ساقتالادى. بۇل ۆاكسينا ەكى كەزەڭ بويىنشا سالىنادى، ادام العاش ەكپەنى العان كەزدە كوپشىلىك جەرگە شىقپاعانى ءجون، بۇل ارالىقتا يممۋنيتەت قالىپتاسادى. ياعني بۇل كەزدە كوروناۆيرۋسپەن اۋىرىپ قالۋ قاۋپى بار»، - دەيدى مارجان اليەۆا.
سونىمەن قاتار، ول الەۋمەتتىك جەلىدە ۆاكسيناعا قاتىستى ءتۇرلى قاۋەسەت تاراپ جاتقانىن تىلگە تيەك ەتتى.
«ەمحانانىڭ كولل- ورتالىعىنا ۆاكسينا سالۋ بويىنشا تۇرعىندار حابارلاسىپ، قىزعۋشىلىق ءبىلدىرىپ جاتىر. سونداي- اق قوعامدا ۆاكسيناعا قاتىستى ۇرەي دە بار. الەۋمەتتىك جەلىلەردە بۇل ادامدى «چيپتەۋ» نەمەسە ونىڭ كەرى اسەرى بار دەگەن ماعىنادا قاۋەسەت تاراپ جاتىر. دەسەك تە، ەرەسەكتەر بۇل ۆاكسينانىڭ قاۋىپتى ىندەتتى جەڭۋدىڭ جالعىز جولى ەكەنىن بىلەدى. ۆاكسينا قالىپتى ومىرىمىزگە ورالۋعا كومەكتەسەدى»، - دەدى ول.
اۆتور: الما مۇقانوۆا
