توكيوداعى ويىنداردى ۇيىمداستىرۋ كوميتەتىنە جاڭا باسشى تاعايىندالادى
بۇل تۋرالى قازاقپارات tbs تەلەارناسىنا سىلتەمە جاساپ حابارلايدى.
كاۆابۋتي 1984 -جىلى دۇنيەگە كەلگەن. ول - بۇرىنعى فۋتبولشى، قازىرگى كەزدە جاپون فۋتبول قاۋىمداستىعىنىڭ كەڭەسشىسى قىزمەتىن اتقارىپ كەلەدى. جۇما كۇنى «توكيو-2020» ۇيىمداستىرۋ كوميتەتى اتقارۋشى كەڭەسىنىڭ وتىرىسى ءوتۋى ءتيىس. بۇل شەشىمنىڭ سونىڭ بارىسىندا قابىلدانۋى ابدەن مۇمكىن. موري سپورت كوميتەتتەرى مەن فەدەراتسيالاردا ايەلدەر سانىن كوبەيتۋ ولاردىڭ وتىرىستارىن ۇزارتۋعا اكەلەدى دەپ ايتقان سوزىنە بايلانىستى تۋىنداعان جانجالدان كەيىن كوزگە تۇسكەن. ۇيىمداستىرۋ كوميتەتىنىڭ باسشىسىن ويىنداردىڭ ءبىرقاتار ساياساتكەرلەر مەن دەمەۋشى كومپانيالار (سونىڭ ىشىندە «تويوتا») سىنعا العان.
جاپونيانىڭ وپپوزيتسيالىق پارتيالارى بىرلەسىپ ەل ۇكىمەتىنەن ءموريدىڭ وتستاۆكاعا كەتۋىن تەزدەتىپ شەشۋدى تالاپ ەتپەككە نيەتتى. بۇدان باسقا، وليمپيادا الاۋى ەستافەتاسىنىڭ 500 گە جۋىق قاتىسۋشىسى مەن ەرىكتىلەر بۇعان نارازىلىق رەتىندە جۇمىستان باس تارتقان. توكيوداعى وليمپيادا 2020 -جىلدىڭ 24-شىلدەسى مەن 9-تامىز كۇندەرى ارالىعىندا ءوتۋى ءتيىس، الايدا پاندەمياعا بايلانىستى 2021 -جىلدىڭ 23-شىلدەسى مەن 8-تامىزى ارالىعىنا اۋىستىرىلعان. بۇل رەتتە ويىنداردىڭ «توكيو-2020» دەگەن اتاۋى ساقتالىپ قالدى.
