جامبىلدىق ونەرتاپقىش ءوزىن-ءوزى جوندەيتىن تراكتور قۇراستىرىپ شىعاردى

تاراز. قازاقپارات - جامبىل وبلىسى ت. رىسقۇلوۆ اۋدانى قۇمارىق اۋىلىنىڭ تۇرعىنى ءوزىن-ءوزى جوندەيتىن تراكتور ويلاپ تاپتى، دەپ حابارلايدى قازاقپارات ءتىلشىسى.

جانبولات ءامىر ەسىمدى جاس ونەرتاپقىش شارۋاشىلىققا، قۇرىلىسقا قاجەتتى امبەباپ تەحنيكالاردى ويلاپ تاۋىپ، قۇراستىرۋمەن اينالىسادى.

بۇگىنگە دەيىن 3 شاعىن تراكتور جاساپ شىعارعان ول بيىل جەر جىرتىپ، ءشوپ شاۋىپ، قۇرىلىسقا قاجەتتى بەتوندى ارالاستىرىپ، قۇم سالا الاتىن تراكتور جاساپ شىعاردى.

ەرەكشە ايتا كەتەرلىگى، اتالعان تراكتور ءوزىنىڭ احاۋلارىن ءوزى جوندەپ، قايتا ىسكە قوسا الادى.

«بۇل مەنىڭ سۇيىكتى ءىسىم. ىنتا جانە تىنىمسىز ەڭبەك بولسا، ويدا جۇرگەن دۇنيەلەردى جۇزەگە اسىرۋعا بولادى. قۇراستىرعان تراكتورىمدى الداعى كوكتەمگى دالا جۇمىستارىندا سىناپ كورەمىن. بۇل تەحنيكامەن ءبىر ەمەس بىرنەشە جۇمىستاردى جۇرگىزۋگە بولادى. مۇنى قۇراستىرۋعا كوپتەگەن جارامسىز تەحنيكالاردىڭ ماتەريالدارىن پايدالاندىم. سونداي-اق، بۇل تراكتور ءوز كەمشىلىگىن ءوزى شۇعىل رەتتەپ، جۇمىستى ۇزدىكسىز اتقارۋعا مۇمكىندىك بەرەدى»، - دەيدى جانبولات.

سونىمەن قاتار، ول بۇل باعىتتاعى جۇمىستارىن جالعاستىرا بەرۋگە، ءالى دە تىڭ يدەيالاردى ىسكە اسىرۋعا نيەتتى.