مەملەكەت باسشىسى شەيح مۇحاممەد بەن زايد ءال ناھاياندى قۇتتىقتادى
قاسىم جومارت توقايەۆ قازاقستاندىقتاردىڭ جانە جەكە ءوزىنىڭ اتىنان ءابۋ دابي امىرلىگىنىڭ تاق مۇراگەرى شەيح مۇحاممەد بەن زايد ءال ناھاياندى بىرىككەن اراب امىرلىكتەرىنىڭ عارىشتى يگەرۋ سالاسىنداعى وراسان زور جەتىستىگىمەن قۇتتىقتاپ، جەدەلحات جولدادى.
پرەزيدەنت جەدەلحاتىندا بىلتىر شىلدە ايىندا مارستى زەرتتەۋگە جىبەرىلگەن «ءال- امال» سپۋتنيگىنىڭ پلانەتا وربيتاسىنا ەنۋى امىرلىكتەردىڭ عارىشتى يگەرۋشى ۇزدىك مەملەكەتتەر قاتارىنا كىرگەنىن جانە الەمدىك تابىسقا قول جەتكىزگەنىن دالەلدەيتىندىگىن اتاپ وتكەن.
«يسلام جانە اراب الەمىندەگى ساياسي، ەكونوميكالىق نەگىزى بەرىك قالىپتاسقان، وڭىرلىك جانە جاھاندىق تۇرعىدان كوشباسشىلىعى كەڭىنەن مويىندالعان ەلىڭىز ءسىزدىڭ باسشىلىعىڭىزبەن قارقىندى دامۋىن ودان ءارى جالعاستىرۋىنا، مەرەيىنىڭ ءارقاشان ۇستەم بولۋىنا تىلەكتەسپىن. وسى تۇستا، الەمگە ايگىلى «بايقوڭىر» عارىش ايلاعىنداعى قازاقستان مەن امىرلىكتەردىڭ عارىش سالاسىنا قاتىستى بىرلەسكەن باعدارلاماسىنىڭ دا بولاشاقتا ناتيجەلى بولارىنا سەنىم بىلدىرەمىن. ءسىزدىڭ ەلىڭىزبەن وسى باعىتتا كۇش- جىگەر جۇمىلدىرۋعا جانە عىلىمي زەرتتەۋلەر جۇرگىزۋگە ءاردايىم دايىن ەكەنىمىزدى ناقتىلايمىن»، - دەلىنگەن جەدەلحاتتا.
سونىمەن قاتار قاسىم- جومارت توقايەۆ شەيح مۇحاممەد بەن زايد ءال ناھاياننىڭ اسا جاۋاپتى قىزمەتىنە تولاعاي تابىس، ال باۋىرلاس امىرلىكتەردىڭ حالقىنا باياندى باقىت، قۇت- بەرەكە تىلەدى.
