حالىققا جاپپاي ەكپە سالدىرۋ باستالعاندا قاي ۆاكسينا تاڭدالادى
بۇل تۋرالى ق ر دەنساۋلىق ساقتاۋ ۆيتسە- ءمينيسترى اجار عينيات ءمالىم ەتتى، دەپ حابارلايدى قازاقپارات ءتىلشىسى.
«قازاقستان حالقىنا ەكپە سالدىرۋ ناۋقانى جاپپاي باستالعان ۋاقىتتا ساۋالناما جۇرگىزىلە مە؟ ياعني قاي ۆاكسينانى تاڭدايتىنى سۇرالا ما؟»، - دەپ سۇرادى ءتىلشى ورتالىق كوممۋنيكاتسيالار قىزمەتىندەگى باسپاءسوز ءماسليحاتىندا. ءوز كەزەگىندە ۆيتسە- مينيستر بۇل جاعداي ۆاكسينانىڭ قولجەتىمدىگىنە بايلانىستى ەكەنىن ايتتى.
«ەگەر رەسەيلىك ۆاكسينا (سپۋتنيك V ) جاقسى وندىرىسكە قويىلسا، سونىمەن قاتار قازاقستاندىق ۆاكسينا دا جەتكىلىكتى بولسا، وندا ەكپە سالدىرۋعا كەلگەن ادامداردىڭ ءوتىنىشىن قاراستىرۋىمىز مۇمكىن. قازىرگى كەزدە قولجەتىمدى ۆاكسيناعا بايلانىستى ەكپە سالدىرۋ ءجۇرىپ جاتىر. دەنساۋلىق ساقتاۋ ءمينيسترى اتاپ وتكەندەي، كوپتەگەن ەلدەر وسى ۆاكسيناعا قول جەتكىزە الماي وتىر. سوندىقتان ءبىز بارلىق تىركەۋدەن وتكەن ءتيىمدى، ساپالى ءارى قولجەتىمدى ۆاكسينانى سالدىرامىز»، - دەدى اجار عينيات.
«ەگەر Pfizer كومپانياسىنىڭ ۆاكسيناسى ءبىزدىڭ ەلگە كەلەتىن بولسا، تولىق تەكسەرىستەن وتەدى. ونىڭ تيىمدىلىگى تولىق زەردەلەنەدى. ءبىزدىڭ ەلدە بۇل ۆاكسينا تىركەۋدەن وتپەدى»، - دەدى ول.
بۇدان بۇرىن حابارلانعانداي، ۆيتسە- مينيستر قازاقستاندا قاشاننان باستاپ مەديتسينالىق ماسكاسىز جۇرۋگە بولاتىنىن ايتتى.
اۆتور: رۋسلان عابباسوۆ
