بارىنەن بۇرىن قازاق ەكەنىمە ماقتانامىن: ديماش قۇدايبەرگەن امەريكالىق ارناعا سۇحبات بەردى
تەلەارنا جۇرگىزۋشىسى كيەۆين كەنني ديماشتان قىتايدا نە ۇناعانىن سۇرادى.
«قىتاي حالقى كوپشىل، قىتاي اۋديتورياسى دا وتە جاقسى. مەنىڭ قىتايداعى مەنەدجەرلەرىم وتە ەڭبەكقور»، - دەدى ديماش سۇحبات بارىسىندا.
سونىمەن قاتار، جۇرگىزۋشى ديماشتان كىممەن بىرگە جۇمىس ىستەگىسى كەلەتىنىن جانە دجەكسون ۆانگ تۋرالى نە ويلايتىنىن سۇرادى.
«مەن سەلين ديونمەن بىرگە جۇمىس ىستەگىم كەلەدى. دجەكسون ۆانگ تا - وتە تالانتتى ورىنداۋشى. ءبىز سويلەسىپ تۇرامىز، كەيدە كوللابوراتسيا تۋرالى سويلەسەمىز. ول وتە تالانتتى»، - دەيدى ديماش.
تاعى ءبىر سۇراق ديماشتىڭ يسپان تىلىندە ءان ايتۋى جونىندە بولدى، ءانشى يسپان تىلىدە ءان ايتۋعا قارسى ەمەستىگىن ءبىلدىردى. كورەرمەندەردىڭ «نە نارسەگە ماقتاناسىز؟» دەگەن سۇراعىنا ديماش «بارىنەن بۇرىن قازاق ەكەنىمە ماقتانامىن» دەپ جاۋاپ بەردى.
سونداي- اق، ءانشى ءوز جوسپارىن اشىپ ايتا بەرمەيتىنىن جانە ءبىراز ۋاقىت ا ق ش- تا تۇرعىسى كەلەتىنىن جەتكىزدى.
«مەن ءوز مۋزىكامدى ىلگەرىلەتۋ ءۇشىن ءبىراق ۋاقىت امەريكادا تۇرۋدى جوسپارلاپ وتىرمىن، ويتكەنى شوۋ- بيزنەستىڭ ەپيسەنترىندە بولۋىم كەرەك. بۇرىن دا وسىعان ۇقساس تاجىريبە بولدى، قىتايدا 3,5 جىل مۋزىكامەن شۇعىلداندىم. الايدا، مەنىڭ وتباسىم بولاتىن جەر ءارقاشان سۇيىكتى جەرىم بولىپ قالا بەرەدى»، - دەيدى ديماش.
«ءومىردىڭ وتە قىسقا ەكەنىن ايتقىم كەلەدى. سول ءۇشىن ءبىر- بىرىمىزگە مەيىرىمدى بولىپ، جاقسى كورۋىمىز كەرەك. الەم ساياساتقا تولى. كەيبىر ساياساتكەرلەر سوعىس باستاۋدان دا قورىقپايدى»، - دەپ پىكىر ءبىلدىردى ديماش قۇدايبەرگەن.
اۆتور: ايجان سەرىكجان قىزى
