مينيستر مەملەكەتتىك شەكارانى كەسىپ ءوتۋ تارتىبىنە ەنگىزىلگەن وزگەرىستەر تۋرالى ايتتى
بۇل تۋرالى بۇگىن ورتالىق كوممۋنيكاتسيالار قىزمەتىندە دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.
«شەكارا ماڭى اۋداندارىندا ەپيدەميولوگيالىق جاعدايدىڭ تۇراقتانۋىنا بايلانىستى 2021 -جىلعى 2- اقپاننان باستاپ ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمىمەن ق ر مەملەكەتتىك شەكاراسىن كەسىپ ءوتۋ تارتىبىنە ءبىرقاتار جەڭىلدىكتەر ەنگىزىلدى»، - دەدى ا. سوي.
قازاقستان ازاماتتارى ءۇشىن، سونىمەن بىرگە شەتەلدىكتەر مەن ازاماتتىعى جوق ادامدار ءۇشىن دە شەكارانى كەسىپ ءوتۋ جيىلىگى 3 ەسەگە (90 تاۋلىكتە 1 رەتتەن 30 تاۋلىكتە 1 رەتكە دەيىن) ۇلعايتىلدى. ەرەكشە جاعدايلاردا: ەمدەلۋگە، وقۋعا بارۋ، قىزمەتپەن، وتباسى مۇشەلەرىن جەرلەۋگە، وتباسىنداعى جاعدايى اۋىر ناۋقاسقا كۇتىم جاساۋ، جولاۋشى تاسىمالى، حالىقارالىق تاسىمال ءۇشىن شەكتەۋ جوق. قازاقستان رەسپۋبليكاسى ۇكىمەتىنىڭ شەشىمى بويىنشا تىكەلەي اۋە قاتىناسى قايتا قالپىنا كەلگەن (تۇراقتى، تۇراقتى ەمەس چارتەرلىك رەيستەر) مەملەكەتتەرگە شەتەلدىكتەردىڭ شىعۋىنا، قازاقستان رەسپۋبليكاسىنىڭ اۋماعىنا كىرۋىنە/اۋماعى ارقىلى ترانزيتپەن وتۋىنە رۇقسات ەتىلەدى.
اۆتور: رۋسلان عابباسوۆ
