«ءبىز - التىنبىز»: ديماش قۇدايبەرگەننىڭ فاناتتارى ەرەكشە فلەشموب باستادى
2- اقپان كۇنى ديماش قۇدايبەرگەن Instagram-داعى ءوز پاراقشاسىندا «Golden» ۆيدەوكليپىنىڭ كەيىپكەرلەرى كيگەن فيلتر-ماسكانى ۇسىنعان ەدى. ءانشىنىڭ فاناتتارىنا التىن ماسكا قاتتى ۇناپ، ولار قىزىقتى فلەشموب ۇيىمداستىرۋدى شەشكەن: ماسكادا فوتوعا ءتۇسىپ، اندەگى «We ’re Golden» ءسوزىن ءوز انا تىلىندە ايتۋى قاجەت. وسىلايشا، YouTube-تە جاريالانعان ۆيدەودا ديماشتىڭ الەمنىڭ تۇكپىر-تۇكپىرىندەگى 356 جانكۇيەرىن كورۋگە جانە «ءبىز - التىنبىز» ءسوزىن 38 تىلدە ەستۋگە بولادى.
قازاقستاندىق ءانشى اسەرلى اكسيا ءۇشىن ريزاشىلىعىن ءبىلدىرىپ، ۆيدەو استىنا كوممەنتاري قالدىردى. اتالعان فلەشموب جاريالانعاننان كەيىن وعان قوسىلۋعا نيەت بىلدىرگەندەر قاتارى ارتا تۇسكەن.
سول سەبەپتى الداعى تاياۋ ۋاقىتتا «Daily Vitamin D» - ءنىڭ YouTube-كانالىندا اكسيانىڭ كەڭەيتىلگەن ۆيدەوسى جاريالاناتىن بولادى. وندا تاعى 10 ءتىل قوسىلادى.
ەسكە سالايىق، ديماش قۇدايبەرگەننىڭ «Golden» انىنە تۇسىرىلگەن بەينەبايان 31- قاڭتاردا جاريالاندى. كومپوزيتسيانى Spotify، Amazon Music، iTunes، YouTube Music، Deezer، Yandex جانە وزگە دە مۋزىكالىق ستريمينگىلىك پلاتفورمالارىندا تىڭداۋعا جانە ساتىپ الۋعا بولادى.
