قازاقستان مىسىردى افريكانىڭ قاقپاسى رەتىندە قاراستىرادى
ق ر سىرتقى ىستەر ءمينيسترىنىڭ ورىنباسارى الماس ايداروۆ باستاعان دەلەگاتسيانى ەلىمىزدىڭ 13 وڭىرىنەن بارعان 60 تان استام قازاقستاندىق كومپانيا، سونداي- اق مەملەكەتتىك ورگاندار مەن كۆازيمەملەكەتتىك قۇرىلىمداردىڭ وكىلدەرى تانىستىردى. فورۋمعا مىسىر تاراپىنان ىسكەرلىك قوعامداستىقتىڭ 200-دەن استام وكىلى، سونداي- اق سىرتقى ىستەر ءمينيسترىنىڭ ورىنباسارى تاريك ءال- ۋاسيمي، وڭتۇستىك سيناي پروۆينتسياسىنىڭ گۋبەرناتورى حالەد فۋدا، مىسىر ساۋدا پالاتالارى فەدەراتسياسىنىڭ باسشىسى يبراحيم ءال- ارابي قاتىستى.
ەسكە سالا كەتسەك، 2019 -جىلعى 6-ناۋرىزدا نۇر- سۇلتان قالاسىندا قازاقستان- مىسىر بيزنەس- فورۋمى ءوتتى، وعان ەكى ەلدىڭ 100 دەن استام بيزنەس وكىلدەرى قاتىستى. قازاقستان ەلشىسى قايرات لاما ءشاريفتىڭ ايتۋىنشا، قوس تاراپ ەكى ەل اراسىنداعى ساۋدا- ەكونوميكالىق جانە ينۆەستيتسيالىق بايلانىستاردىڭ دەڭگەيىن ودان ءارى ارتتىرۋ ءۇشىن ءوزارا ءىس- قيمىلدىڭ بارلىق باعىتتارى بويىنشا ىنتىماقتاستىقتى ارتتىرۋعا نيەتتى.
«قازاقستان مىسىردى افريكانىڭ «قاقپاسى» رەتىندە قاراستىرا وتىرىپ، ەكىجاقتى ىسكەرلىك كەڭەس پەن ساۋدا- ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ كومەگىمەن ەكسپورتتى ارى قاراي ىلگەرىلەتۋگە دايىن. ەۋرازيالىق ەكونوميكالىق وداققا مۇشە ەلدەر مەن مىسىر اراسىنداعى ەركىن ساۋدا تۋرالى كەلىسىمگە قول قويۋ قازاقستاندىق ءونىم ەكسپورتىن ۇلعايتۋعا قوسىمشا سەرپىن بەرەدى، بۇل حالقى 100 ميلليون ادامنان اساتىن مىسىر نارىعىنا جول اشادى»، - دەپ اتاپ ءوتتى قايرات لاما شاريف.
فورۋمداعى بايانداماشىلاردىڭ پىكىرىنشە، ءونىمنىڭ قىمباتتاۋى جانە ەكى ەل اراسىنداعى ساۋدا قارقىنىنىڭ ءبىرشاما باياۋلاۋى مەملەكەتتەردىڭ گەوگرافيالىق الىستىعىنا دا بايلانىستى. الايدا، قازاقستاننىڭ ساۋدا جانە ينتەگراتسيا ۆيتسە- ءمينيسترى قايرات تورەبايەۆ اتاپ وتكەندەي، وسىعان قاراماستان، قازاقستان تاراپى ەكىجاقتى تاۋار اينالىمىن 4 ەسەگە جۋىق ۇلعايتۋعا مۇمكىندىكتى كورىپ تۇر.
«بۇل تۇرعىدا وتاندىق كومپانيالار 300 ميلليون ا ق ش دوللارىنا جۋىق سوماعا ساپالى تاۋارلار ۇسىنا الادى. ازىق- تۇلىك قاۋىپسىزدىگىن قامتاماسىز ەتۋ ماقساتىندا مىسىرلىق كومپانيالار وزدەرىنىڭ ەكسپورتقا باعدارلانعان وندىرىستەرىن قازاقستاندا ورنالاستىرا الادى. بۇل باعىت ءۇشىن مۇنداي جوبالاردى جەڭىلدىكپەن كرەديتتەۋ، ەكسپورتتىق كەلىسىمشارتتاردى ساقتاندىرۋ، تاۋارلاردى تاسىمالداۋعا جانە سەرۆيستىك قولداۋعا ارنالعان شىعىنداردى وتەۋ كوزدەلگەن. بۇدان باسقا، جاقىن ارادا قازاقستان وتاندىق ءونىمدى شەتەلدىك ساتىپ الۋشىلار ءۇشىن پايىزدىق مولشەرلەمەنى CIRR دەڭگەيىندە سۋبسيديالايتىن بولادى. باسقاشا ايتقاندا، بۇل كورسەتكىش اي سايىن نەگىزدە ەكونوميكالىق ىنتىماقتاستىق جانە دامۋ ۇيىمىنىڭ حاتشىلىعى بەلگىلەيتىن پايىزدىق مولشەرلەمە بويىنشا سانالادى»، - دەپ اتاپ ءوتتى ۆيتسە- مينيستر.
وسى باعىتتاعى جۇمىستى جانداندىرۋ مىسىر سىرتقى ىستەر ءمينيسترىنىڭ قازاقستانعا الداعى العاشقى رەسمي ساپارىمەن جانە ەكى ەل اراسىندا كەزەكتى ساياسي جانە كونسۋلدىق كونسۋلتاتسيالار وتكىزۋمەن بايلانىستى. بۇل تۋرالى ءوز سوزىندە مىسىر سىرتقى ىستەر ءمينيسترىنىڭ ورىنباسارى ت. ءال- ۋاسيمي ايتتى.
ءىس- شارا بارىسىندا «قازاقستاندا جاسالعان» امبەباپ كورمەسى ۇيىمداستىرىلدى، وندا قوناقتاردىڭ نازارىنا وتاندىق وندىرۋشىلەردىڭ، ونىڭ ىشىندە افريكا قۇرلىعىنا ەكسپورتتايتىن كومپانيالاردىڭ ونىمدەرى ۇسىنىلدى. سونىمەن قاتار، وتاندىق جانە مىسىرلىق كومپانيالار اراسىندا ەكىجاقتى بيزنەسارالىق (ۆ2ۆ) كەلىسسوزدەر جۇرگىزىلدى ءىس- شارا قورىتىندىسى بويىنشا ءبىرقاتار ەكونوميكالىق قۇجاتتارعا قول قويىلدى. وسىلايشا، قازاقستاندىق كومپانيالار مىسىر نارىعىنا 3 ميلليونعا دەيىن ۇلعايتۋ پەرسپەكتيۆاسىمەن 1 ميلليون دانا كولەمىندە بوتەلكەدەگى سۋدى جەتكىزۋ، قازاقستاندىق كاسىپورىن نەگىزىندە فارماتسيەۆتيكالىق ءدارى- دارمەكتەردى شىعارۋ، سونداي- اق قازاقستان اۋماعىندا مىس كەن ورنىن ساتىپ الۋ تۋرالى ۋاعدالاستى.
اتالعان فورۋم مىسىرلىق كاسىپكەرلەردىڭ شيكىزاتتىق ەمەس سەكتوردىڭ قازاقستاندىق تاۋارلارىنا قىزىعۋشىلىعىن قالىپتاستىرۋعا ىقپال ەتىپ، وتاندىق تاۋار وندىرۋشىلەر مەن الەۋەتتى مىسىرلىق ساتىپ الۋشىلار مەن ينۆەستورلار اراسىندا تىكەلەي بايلانىستاردى جولعا قويۋدى، ءونىمنىڭ ساپالىق جانە باعالىق كورسەتكىشتەرى بويىنشا اقپارات الماسۋدى قامتاماسىز ەتتى. ەكى ەل اراسىندا تۇراقتى ساۋدا ميسسيالارى مەن كەزدەسۋلەردى وتكىزۋ تۋرالى شەشىم قابىلداندى.
