13:40, 08 - اقپان 2021 | GMT +5
مەملەكەت باسشىسى جوعارى سوت كەڭەسىنىڭ ءتوراعاسى تالعات دوناقوۆتى قابىلدادى
نۇر-سۇلتان. قازاقپارات - مەملەكەت باسشىسى جوعارى سوت كەڭەسىنىڭ ءتوراعاسى تالعات دوناقوۆتى قابىلدادى، دەپ حابارلايدى اقوردانىڭ رەسمي سايتى.
قاسىم-جومارت توقايەۆقا ەلىمىزدەگى سوت كورپۋسىنىڭ جالپى احۋالى، جوعارى سوت كەڭەسىنىڭ بىلتىرعى جۇمىسىنىڭ قورىتىندىلارى مەن بيىلعى جىلعا جوسپارى جايىندا باياندالدى.
مەملەكەت باسشىسىنا قازاقستان حالقىنا جولداۋىندا جانە رەسپۋبليكالىق سوتتار سەزدىندە بەرگەن تاپسىرمالارىنىڭ ورىندالۋ بارىسى تۋرالى اقپارات بەرىلدى.
سونىمەن قاتار پرەزيدەنتكە جوعارى سوت كەڭەسى سۋديالاردى ىرىكتەۋدىڭ ساپاسىن ارتتىرۋ ءۇشىن قولداناتىن زاماناۋي HR جانە سيفرلىق تەحنولوگيانى ەنگىزۋ جونىندە ايتىلدى. كەزدەسۋ سوڭىندا قاسىم-جومارت توقايەۆ تالعات دوناقوۆقا كەڭەس جۇمىسىنا جاڭا تەحنولوگيالاردى ەنگىزۋ، سونداي-اق، ەلدەگى جاڭا قۇرىلعان اكىمشىلىك سوتتارعا ساپالى ماماندار ىرىكتەۋ تۋرالى تاپسىرما بەردى.
