ءبىر جىلدا ىشكى ىستەر ورگاندارىندا قانشا باستىق قىزمەتىنەن قۋىلدى
بۇل تۋرالى ق ر ءى ءى م وزىندىك قاۋىپسىزدىك دەپارتامەنتىنىڭ باستىعى ارمان سادانوۆ ايتتى، دەپ حابارلايدى قازاقپارات ءتىلشىسى.
«وتكەن جىلى قاراماعانداعىلاردىڭ جەمقورلىق ارەكەتى ءۇشىن ءتۇرلى دەڭگەيدەگى 51 باستىق قىزمەتىنەن شىعارىلىپ، 106 سىنىڭ لاۋازىمىنان بوساتىلدى. ولاردىڭ ىشىندە دەپارتامەنت باستىعىنىڭ 4 ورىنباسارى، وبلىستىق باسقارمانىڭ 24 باستىعى جانە ولاردىڭ ورىنباسارى، 39 قالالىق جانە اۋداندىق بولىمدەردىڭ باستىعى جانە باسقالارى بار»، - دەدى دەپارتامەنت باسشىسى.
ونىڭ اتاپ وتۋىنشە، قازىرگى ۋاقىتتا باستىقتاردىڭ وزدەردى قىلمىستىق ارەكەتتەردى دەر ۋاقىتىندا انىقتاۋ جانە ولاردىڭ جولىن كەسۋگە مۇددەلىك تانىتىپ، جاۋاپكەرشىلىكتەرىن ارتتىرىپ وتىر. «قاراماعانداعىلار جەمقورلىققا ۇرىنعانى ءۇشىن باسشىلاردىڭ وتستاۆكاسى تۋرالى زاڭناماعا سايكەس بۇل شارالار تولىققاندى جۇزەگە اسىرىلىپ جاتىر»، - دەدى ارمان سادانوۆ.
اۆتور: مارلان جيەمباي
