كوكتايعاق، بۇرقاسىن: سينوپتيكتەر ءبىرقاتار وڭىردە ەسكەرتۋ جاريالادى

نۇر-سۇلتان. قازاقپارات - «قازگيدرومەت» ر م ك 8 - اقپاندا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.
None
None

اتاپ ايتقاندا، قىزىلوردا وبلىسىنىڭ كەي جەرلەرىندە كوكتايعاق، تۇمان كۇتىلەدى. وڭتۇستىك- باتىستان، باتىستان جەل سوعادى، كۇندىز ەكپىنى 23-28 م/س جەتۋى ىقتيمال.

اقتوبە وبلىسىنىڭ كەي جەرلەرىندە تۇمان، جاياۋ بۇرقاسىن بولادى. وڭتۇستىك-باتىستان، وڭتۇستىكتەن جەل سوعىپ، كۇشى 15-20 م/س ارتادى.

تۇندە جانە تاڭەرتەڭ ماڭعىستاۋ وبلىسىنىڭ كەي جەرلەرىندە كوكتايعاق بولجانادى. قوستاناي وبلىسىنىڭ كەي جەرلەرىندە جاياۋ بۇرقاسىن كۇتىلەدى. وڭتۇستىك-باتىستان، باتىستان جەل سوعادى، كۇشى كەي جەرلەردە 15-20, 23 م/س جەتۋى مۇمكىن.

تۇركىستان وبلىسىنىڭ تاۋلارىندا قاتتى جاۋىن- شاشىن (جاڭبىر، قار) كۇتىلەدى. كەي جەرلەردە تۇمان، كوكتايعاق بولادى. وڭتۇستىك-باتىستان سوعاتىن جەلدىڭ كۇشى 15-20، كۇندىز 25 م/س ارتادى.

شىمكەنت قالاسىندا كۇندىز وڭتۇستىك-باتىستان 15-20 م/س ەكپىندە جەل سوعادى. سولتۇستىك قازاقستان وبلىسىندا جاۋىن-شاشىن (جاڭبىر، قار)، كەي جەرلەردە تۇمان، كوكتايعاق، بۇرقاسىن كۇتىلەدى.

وڭتۇستىك-باتىستان سوعاتىن جەل سولتۇستىك-باتىسقا اۋىسىپ، ەكپىنى 23-28 م/س كۇشەيۋى ىقتيمال. سونداي-اق 8-9 -اقپاندا پاۆلودار وبلىسىندا جاۋىن-شاشىن (جاڭبىر، قار)، كەي جەرلەردە تۇمان، كوكتايعاق، بۇرقاسىن كۇتىلەدى.

وڭتۇستىك-باتىستان سوعاتىن جەل سولتۇستىك-باتىسقا اۋىسىپ، كۇشى 15-20 م/س، كەي جەرلەردە 23-28 م/س ارتادى.

8- اقپاندا كەي ۋاقىتتاردا ەكپىنى 30 م/س جەتەدى. اۋا تەمپەراتۋراسى 2 گرادۋس اياز - 3 گرادۋس جىلىدان 10-18 گرادۋس ايازعا دەيىن تومەندەۋى مۇمكىن. 8-9- اقپاندا جامبىل وبلىسىنىڭ كەي جەرلەرىندە تۇمان، جاياۋ بۇرقاسىن، كوكتايعاق بولجانادى.

سوڭعى جاڭالىقتار