قازاقستان جەرىندە «مۇز جانارتاۋ» پايدا بولدى - شەتەلدەگى قازاق ءتىلدى ب ا ق- قا شولۋ
قازاقستان جەرىندە «مۇز جانارتاۋ» پايدا بولدى - قىتايدىڭ «ورتالىق حالىق راديوسى» (CNR)
قازاقستان جەرىندە تابيعاتتىڭ كەرەمەتى «مۇز جانارتاۋ» جۇرتتىڭ تامسانا تاماشالايتىن ورنىنا اينالدى، دەپ جازادى قىتايلىق kazakcnr.com سايتى.
«بۇل نەگىزى جەردىڭ استىنان اتقىلاپ شىعاتىن ارتەزيان سۋى. وسى سۋ قىس مەزگىلىنە قاراي ەرنەۋى بيىكتەپ قاتىپ، 14 مەترگە دەيىن كوتەرىلىپ، ورتاسى قۋىس مۇز توبەشىككە اينالادى. سول توبەسىندەگى تەسىكتەن شىققان سۋ بۋى جانارتاۋدان اتقىلاعان تۇتىنگە ۇقسايدى. بۇل تاڭعاجايىپ كورىنىستى تاماشالاۋعا جەرگىلىكتى تۇرعىندار مەن الىس- جاقىننان تۋريستەر ءجيى كەلەتىن بولعان»، - دەپ جازادى CNR.
ايتا كەتەيىك، قىتايلىق ب ا ق- تاردىڭ نازارىن اۋدارعان بۇل ەرەكشە كورىنىس الماتى وبلىسىنىڭ كەگەن اۋدانىنداعى كەگەن جانە شىرعاناق اۋىلدارىنىڭ اراسىندا ورنالاسقان.
سۋرەت سالۋ ونەرى اتاسىنان دارىعان 18 جاستاعى سۋرەتشى - KAZNEWS
بايان- ولگەي ايماعىنىڭ بۋلگان اۋىلىنىڭ تۋماسى التىنبەك شاكەرحان ۇلى - 18 جاستا. وعان سۋرەت سالۋ ونەرى اتاسىنان دارىعان، دەپ جازادى موڭعوليالىق KAZNEWS اقپاراتتىق پورتالى. الدىنا ۇلكەن ماقسات قويعان قانداسىمىز، تالانىتتى جاس سۋرەتشى التىنبەك شاكەرحان ۇلى اتالعان ب ا ق- قا بەرگەن سۇحباتىندا ءوزىنىڭ ونەرگە بالا كۇنىنەن ىنتالى بولعانىن ايتىپ، شىعارماشىلىق جۇمىستارى تۋرالى بايانداعان.
«وقۋشى كەزىمنەن باستاپ سۋرەت سالۋعا اۋەس بولدىم. تەلەفون، ينتەرنەت بولمادى. سول كەزدەرى كىتاپتاعى سۋرەتتەردى سىزۋ ارقىلى سۋرەتكە دەگەن سەزىمىم وياندى. كەيىن تابيعاتتى، جان- جانۋارلاردى جانە اينالامداعى دۇنيەلەردى سىزا باستادىم. قازىر تاريحي وقيعالاردى سۋرەتتەگەندى ۇناتامىن. تانىمال تۇلعالاردىڭ پورترەت سۋرەتىن سالامىن. العاشقى پورترەت تۋىندىم ەل پرەزيدەنتىنىڭ سۋرەتى بولدى. بۇدان كەيىن دە كوپتەگەن تۇلعالاردىڭ سۋرەتىن سالدىم. سۋرەت سالۋ قابىلەتىم قانعا بىتكەن سياقتى. اتام اعاشتان ءتۇيىن تۇيەتىن شەبەر ادام بولعان. اركىم ءوزىنىڭ قالاۋى بويىنشا ماماندىق تاڭداعان دۇرىس دەپ ويلايمىن. مەن سۋرەتشى بولامىن دەپ ماقسات قويدىم. بۇل مەنىڭ تاڭداعان جولىم»، - دەيدى سۋرەتشى التىنبەك شاكەرحان ۇلى.
تۇركيا قورعانىس ۆيتسە-ءمينيسترى نۇر-سۇلتانعا باردى - TRT
ۇلتتىق قورعانىس ءمينيسترىنىڭ ورىنباسارى مۋحسين دەرە نۇر-سۇلتانداعى ەكى كۇندىك رەسمي ساپارى شەڭبەرىندە قازاقستان قورعانىس ءمينيسترى نۇرلان ەرمەكبايەۆ جانە قازاقستان رەسپۋبليكاسى قورعانىس جانە اەروعارىش ونەركاسىبى ءمينيسترى بەيبىت اتامقۇلوۆپەن كەزدەستى، دەپ حابارلايدى تۇركيا راديو تەلەۆيزيا پورتالى.
«مۋحسين دەرەنىڭ بەيبىت اتامقۇلوۆپەن كەزدەسۋىندە ەكى ەل اراسىنداعى اسكەري جانە تەحنيكالىق سالاداعى ىنتىماقتاستىقتى جەتىلدىرۋ تۋرالى ءسوز بولدى. مينيستر اتامقۇلوۆ وپتيكالىق جانە راديو ەلەكترونيكالىق سالادى اسكەري ءونىم وندىرىسىندە تۇرىك- قازاق بىرلەسكەن جۇمىستارىنىڭ تابىسپەن جالعاسىپ جاتقانىن ايتتى. وسى كەزدەسۋدەن كەيىن قازاقستان قورعانىس مينيسترىمەن باس قوسقان مۋحسين دەرە باۋىرلاس ەكى ەل اراسىندا اسكەري جانە تەحنيكالىق سالادا كوپتەگەن جاڭا كەلىسىمنىڭ جوسپارلانىپ وتىرعانىن اتاپ كورسەتتى. ول قازاقستاننىڭ تۇركيا ءۇشىن ورتالىق ازياداعى ماڭىزدى سەرىكتەرىنىڭ ءبىرى ەكەنىن جەتكىزدى»، - دەپ جازادى TRT.
الىشەر ناۋاي تۋرالى تاريحي دەرەكتى فيلم تۇسىرىلۋدە - «ءوزا» اقپاراتتىق اگەنتتىگى
بۇحارا قالاسىندا وزبەككينو ۇلتتىق اگەنتتىگىنىڭ تاپسىرىسى بويىنشا «الىشەر ناۋاي» تۋرالى تاريحي دەرەكتى فيلمنىڭ ءتۇسىرىلىمىن باستادى، دەپ جازادى وزبەكستاننىڭ «ءوزا» مەملەكەتتىك اقپاراتتىق اگەنتتىگى.
«شىعىستىڭ شوقجۇلدىزىنا ارنالعان دەرەكتى فيلمنىڭ سەناريىن فۋركات ۋسمانوۆ جازعان جانە ول الىشەر ناۋاي تۇلعاسىنا دەگەن جاڭا كوزقاراسقا نەگىزدەلگەن. شىعارماشىلىق توپ سۋرەتكە الۋ بارىسىندا تاريحي- كوركەمدىك قايتا قۇرۋ، كومپيۋتەرلىك گرافيكا جانە الىشەر ناۋاي اتىنداعى تاشكەنت مەملەكەتتىك وزبەك ءتىلى مەن ادەبيەتى ۋنيۆەرسيتەتىنىڭ، ناۋايتانۋشىلاردىڭ سۇحباتتارى ارقاۋ بولادى. ۇلى اقىننىڭ ءومىرى تۋرالى تاريحي دەرەكتى فيلمنىڭ ءتۇسىرىلىمى بۇحارا، سامارقاند، تاشكەنت وبلىستارى مەن تاشكەنت قالاسىندا وتەدى»، - دەپ جازادى «ءوزا» اقپاراتتىق اگەنتتىگى.
قازاقستان 13 سۋ ەلەكتر ستانساسىن سالۋدى جوسپارلاپ وتىر - «فارس» اقپارات اگەنتتىگى
قازاقستان ۇكىمەتى 2030 -جىلعا دەيىن 13 سۋ ەلەكتر ستانساسى مەن 39 سۋ قويماسىن سالىپ، ىسكە قوسۋدى جوسپارلاپ وتىر، دەپ جازادى «فارس» اقپارات اگەنتتىگى.
«قازاقستاننىڭ ەكولوگيا، گەولوگيا مەن تابيعي رەسۋرستار ءمينيسترى ماعزۇم مىرزاعاليەۆ ۇكىمەت وتىرىسىندا 2030 -جىلعا دەيىن ەلدە 39 سۋ قويماسى سالىناتىنىن حابارلاپ: «نەگىزگى كانالداردىڭ شامامەن 2 شاقىرىمى قايتا جوندەلەدى. مۇنىمەن قوسا، ەلدىڭ ءتۇرلى وڭىرلەرىندە جالپى سىيىمدىلىعى 885 ميلليون تەكشە مەتر بولاتىن جاڭا 8 سۋ قويماسى سالىنىپ، ىسكە قوسىلادى»، - دەدى. سونىمەن بىرگە قازاقستان ەنەرگەتيكا ءمينيسترى نۇرلان نوعايەۆتىڭ ايتۋىنشا، 2025 -جىلعا دەيىن ەلدىڭ وڭتۇستىك وڭىرلەرىندە شامامەن 1300 م ۆ ت- تىق گاز گەنەراتورى ىسكە قوسىلاتىنى ءمالىم بولدى»، - دەپ جازادى parstoday.
اۆتور: باقىتجول كاكەش
