قازاقپارات كۇنتىزبەسى: ەستە قالار وقيعالار
ەستە قالار وقيعالار
1920 -جىلى تۇركىستان مايدانى ريەۆوليۋتسيالىق اسكەري كەڭەسىنىڭ بۇيرىعىنا سايكەس جەكە قازاق اسكەري بريگاداسى قۇرىلدى.
1934 -جىلى قاراعاندى كومىر الابىنىڭ ورتالىعىنداعى شاحتەرلەر كەنتىنىڭ نەگىزىندە قاراعاندى قالاسىنىڭ ىرگەسى قالاندى. تۇرعىندار سانىنىڭ شاپشاڭ وسۋىنە بايلانىستى 1934 -جىلى قالاعا، 1936 -جىلى وبلىس ورتالىعىنا اينالدى. وسى وڭىردە قاراعان بۇتاسى كوپ وسەتىندىكتەن قالا «قاراعاندى» دەپ اتالعان. 1833 -جىلى اپپاق بايجانوۆ بۇل جەردەن تاس كومىر تاۋىپ، كەن كوزىنىڭ اشىلۋىنا سەپتىك بولعان. بۇگىنگى تاڭدا قاراعاندى - عىلىم، ءبىلىم، مادەنيەت، ونەركاسىپ ورتالىعى. قالادا قر ۇعا- نىڭ ورتالىق قازاقستان بولىمشەسى ورنالاسقان. سونداي- اق بىرنەشە جوعارى وقۋ ورىندارى، كاسىپتىك- تەحنيكالىق مەكتەپتەر، اۋرۋحانالار، كىتاپحانالار، مۇراجايلار، تەاترلار، فيلارمونيا، تسيرك، ستاديون جانە ساياباقتار بار.
1975 -جىلى قازاقستان اۋماعىندا تۇڭعىش نەمىس تەاترى قۇرىلدى.
2003 -جىلى لوندوندا قازاقستان كينەماتوگرافياسىنا ارنالعان فەستيۆال اشىلدى.
2011 -جىلى قازاقستان قۇراماسى التىن مەدال سانى بويىنشا قىسقى ازيا ويىندارىنىڭ رەكوردىن ورناتتى. بۇعان دەيىنگى رەكورد، ياعني 29 التىن مەدال جاپونياعا تيەسىلى بولاتىن. ول ناتيجە 1986 -جىلى ساپپورو قالاسىندا وتكەن I قىسقى ازيا ويىندارىندا تىركەلگەن.
2011 -جىلى ازيادا تۋى كەلەسى قابىلداۋشى ەل - جاپونياعا تاپسىرىلدى. VIII قىسقى ازيادا ويىندارى ساپپورو قالاسىندا وتەدى. تۋدى ءبىزدىڭ دوپتى حوككەيدەن قۇرامانىڭ شابۋىلشىسى راۋان يسالييەۆ الىپ شىقتى.
2012 -جىلى حالىقارالىق تۇركى مادەنيەتى ۇيىمى (تۇركسوي) تۇركى مادەنيەتى مەن ونەرىن تانىمال ەتۋگە قوسقان ۇلەسى ءۇشىن جۋرناليستيكا سالاسىنداعى Ⅲ سىيلىقتى تاپسىرۋ ءراسىمىن وتكىزدى. قازاقستان، ازەربايجان، قىرعىزستان، تۇركيا، باشقۇرتستان، حاكاسسيا، تاتارستان جۋرناليستەرى Ⅲ تۇركسوي سىيلىعىنىڭ لاۋرەاتتارى اتاندى. ماراپات العاندار اراسىندا «قازاقپاراتتىڭ» تۇركياداعى ارناۋلى ءتىلشىسى يرينا دىننيكوۆا بار.
2014 -جىلى قازاقستاندىق جازۋشى كارينا سارسەنوۆا «ءرۋستىڭ التىن قاۋىرسىنى» سىيلىعىن يەلەنىپ، رف جازۋشىلار وداعىنا مۇشە بولىپ كىردى.
2015 -جىلى قازاقستان رەسپۋبليكاسىنىڭ ۇلتتىق بانكى «ۇلى قولباسشىلار» سەرياسىنان «Amir Timur»، «دالا قازىناسى» جانە «شاكەن ايمانوۆ» سەرياسىنان «تايقازان» ەسكەرتكىش كۇمىس مونەتالار شىعارىلعانىن حابارلادى.
2017 -جىلى استانادا سيرياداعى جاعدايدى رەتتەۋ بويىنشا رەسەي، يران، تۇركيادان كەلگەن ساراپشىلاردىڭ، سونداي- اق ب ۇ ۇ وكىلدەرىنىڭ قاتىسۋىمەن ءۇشجاقتى حالىقارالىق كەزدەسۋ ءوتتى. كۇن تارتىبىنە جاۋىنگەرلىك ءىس- قيمىلداردى توقتاتۋ تۋرالى رەجىمدى ساقتاۋ، اتىستى دوعارۋ ۋاعدالاستىعىن بەكىتۋ جونىندەگى قارۋلانعان سيريالىق وپپوزيتسيانىڭ ۇسىنىسىن تالقىلاۋ، اسكەري ءىس- قيمىلداردى توقتاتۋ رەجىمىن قولدانۋدىڭ ناقتى پارامەترلەرىن ايقىنداۋ تاقىرىپتارىن تالقىلاۋ ەنگىزىلدى.
2018 -جىلى فۋتزالدان قازاقستان قۇراماسى 2018 -جىلعى ەۋروپا چەمپيوناتىندا ەكى جىل قاتارىنان جارتىلاي فينالعا جولداما الىپ، بۇعان دەيىن بىردە- ءبىر قۇرامانىڭ قولى جەتپەگەن ناتيجە كورسەتتى. ايتا كەتەيىك، 2017 -جىلى قازاقستاندىق سپورتشىلار ەۋروپا بىرىنشىلىگىنە تۇڭعىش رەت قاتىسقان بولاتىن.
2019 -جىلى ۇلتتىق عىلىمي كارديوحيرۋرگيالىق ورتالىق ماماندارى الەم بويىنشا العاش رەت تاعى ءبىر ءساتتى وپەراتسيانى جاسادى. ونىڭ باستى ەرەكشەلىگى سول، ادامنىڭ جۇرەگىنە سىمسىز قان اينالىم قۇرىلعىسى ورناتىلدى. ورتالىق باسشىسى يۋري پيانىڭ ايتۋىنشا، جۇرەكتىڭ سول جاق قارىنشاسىنىڭ كومەكشى قۇرىلعىسى ادامعا ەركىن قوزعالۋعا مۇمكىندىك بەرەدى. سەبەبى سىرتقا ەشقانداي كابەلدەر شىعارىلمايدى. ال قاناينالىم قۇرىلعىسىن زاريادتاۋ وڭاي، ونىڭ قۋاتى 8 ساعاتقا جەتەدى. بىرەگەي وپەراتسيا 24 جاستاعى يسمايل تۇرسىنوۆقا جاسالدى.
2020 -جىلى الماتى قالاسىنداعى «گۇلدەر» ساياباعىندا اباي ءمۇسىنى اشىلدى. ءبيۋستتىڭ اۆتورى - قازاقستاننىڭ ەڭبەگى سىڭگەن ونەر قايراتكەرى، ءمۇسىنشى تىلەۋبەردى بيناشيەۆ.
2020 -جىلى ق ر ۇلتتىق كىتاپحاناسىندا اتاقتى عالىم، ويشىل ءابۋ ءناسىر ءال-فارابيدىڭ 1150 جىلدىعىنا وراي ءال-فارابي اتىنداعى عىلىمي ورتالىق اشىلدى.
2020 -جىلى قازاقستاندا الەۋمەتتىك- ەكونوميكالىق رەفورمالاردى تالداۋ جانە مونيتورينگ جۇرگىزۋ ورتالىعى قۇرىلدى.
اۆتور: زارينا تۋعانبايەۆا
