11:45, 05 - اقپان 2021 | GMT +5
مەملەكەت باسشىسى حالىقارالىق فورۋمعا وراي بەينەۇندەۋ جاسادى
الماتى. قازاقپارات - مەملەكەت باسشىسى قاسىم-جومارت توقايەۆ «Digital Almaty 2021» فورۋمىنا قاتىسۋشىلارعا بەينەۇندەۋ جاسادى.
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى.
اتالعان شاراعا ە ا ە و ۇكىمەتتەرىنىڭ باسشىلارى، ەۋرازيالىق كوميسسيا جانە ت م د اتقارۋ كوميتەتىنىڭ جەتەكشىلەرى، سونىمەن قاتار، سيفرلاندىرۋ سالاسىنىڭ ساراپشىلارى مەن ماماندارى قاتىسىپ جاتىر. قازاقستان پرەزيدەنتى پاندەميادان كەيىنگى كەزەڭدەگى سيفرلاندىرۋ ماسەلەسى جايىنداعى ويىمەن ءبولىستى.
«بولاشاق - تەحنولوگيالار مەن يننوۆاتسيالاردىڭ ەنشىسىندە ەكەنىن جاقسى تۇسىنەمىز»، - دەدى قاسىم-جومارت توقايەۆ. مەملەكەت باسشىسى قازاقستاندا جاساندى ينتەللەكت تەحنولوگيالارىن جانە اۋقىمدى دەرەكتەردى تالداۋدى دامىتۋ تۋرالى ايتتى. بۇدان بولەك پرەزيدەنت ە ا ە و ەلدەرىنىڭ سيفرلىق ىنتىماقتاستىعى بويىنشا ءبىرقاتار وزەكتى باعىتتاردى اتاپ ءوتتى.
