كوروناۆيرۋس: قازاقستان «جاسىل» ايماققا شىقتى
5- اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ ءۇش وبلىسى «قىزىل» ايماقتا تۇر.
ولار: اقمولا، سولتۇستىك قازاقستان، پاۆلودار وبلىستارى.
كەشە «قىزىل» ايماقتا بولعان باتىس قازاقستان بۇگىن «سارى» ايماققا ءوتتى.
«سارى» ايماقتا باتىس قازاقستانمەن قاتار نۇر-سۇلتان قالاسى، شىعىس قازاقستان، قوستاناي، اتىراۋ، قاراعاندى وبلىستارى بار. قالعان وڭىرلەر مەن قالالار - «جاسىل» ايماقتا.
ماتريتسا جالپى قازاقستاننىڭ «سارى» ايماقتان «جاسىل» ايماققا وتكەنىن كورسەتتى.
ەسكە سالا كەتسەك كەشە ق ر باس مەملەكەتتىك سانيتارلىق دارىگەرى ەرلان قياسوۆتىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالانعان بولاتىن.
قاۋلى ەرەجەلەرىنە سايكەس، «جاسىل» ايماقتاعى وڭىرلەردە مەشىتتەرگە جۇرتتىڭ جينالۋىنا، سونىمەن قاتار مەكتەپ اسحانالارىنىڭ جۇمىسىنا رۇقسات بەرىلدى.
