قانات يسلام مەكسيكانىڭ بوكس جۇلدىزىمەن جەكپە- جەك وتكىزۋى مۇمكىن

نۇر-سۇلتان. قازاقپارات - مەكسيكانىڭ بوكس جۇلدىزى حايمە مۋنگۋيا كەلەسى جەكپە- جەگىن ءساۋىر نە مامىر ايىندا وتكىزەدى. بۇل تۋرالى پروموۋتەر فەرناندو بەلتران مالىمدەدى.

حايمە مۋنگۋيا مەكسيكانىڭ ۇلتتىق مەيرامى - سينكو دە مايو جاقىنداعان تۇستا جۇدىرىقتاسۋعا دايىن. قارسىلاسى قازاقستاندىق گەننادي گولوۆكين بولۋى مۇمكىن. ەگەر قوس تاراپ ءبىر كەلىسىمگە كەلە الماسا مەكسيكالىق بوكسشى ساۋىردە جەكپە- جەك وتكىزەدى.

«مۋنگۋيا - گولوۆكينگە - بۇل ماعان ۇنايتىن جەكپە- جەك. قازىرگى تاڭدا كەلىسسوز جۇرگىزىپ جاتىرمىز، بولماي جاتسا ساۋىردە جەكپە- جەككە شىعادى. ولاردىڭ دايىنبىز دەگەنگە دەيىن كۇتەتىن جايىمىز جوق»، - دەيدى پروموۋتەر فەرناندو بەلتران ESPN باسىلىمىنا.

ESPN باسىلىمى حايمە مۋنگۋيا قازاقستاندىق گەنناديي گولوۆكينمەن كەلىسە الماعان جاعدايدا كىممەن جۇدىرىقتاسۋى مۇمكىن ەكەنىن جازدى. ونىڭ ىشىندە قازاقستاندىق بوكسشى قانات يسلام بار. بۇعان دەيىن ەكى بوكسشى قولعاپ تۇيىستىرەدى دەگەن اقپارات بار بولعان. 2 - مامىر كۇنى ا ق ش- تىڭ لاس- ۆەگاس قالاسىنداعى «كانەلو» مەن سوندەرس بوكس كەشىنىڭ اندەركارتىندا قانات يسلام مەن حايمە مۋنگۋيا جۇدىرىقتاسۋى قاجەت ەدى. الايدا كوروناۆيرۋس پاندەمياسىنىڭ سالدارىنان بوكس كەشى وتپەي قالدى.

دەگەنمەن قانات يسلام 20 - اقپان كۇنى شارشى الاڭعا شىعادى. جەكپە- جەك كەشى ماياميدە وتەدى دەپ جوسپارلانعان. ال قارسىلاسى كىم بولاتىنى بەلگىسىز. قازىر قانات ا ق ش- تا جاتتىعۋ جاساپ، جاتتىقتىرۋشىسى رودجەر رومامەن دايىندىعىن شىڭداۋدا.

قانات يسلام جۇدىرىقتاسپاعالى 1 جىلدان استى. سوڭعى رەت 2019 -جىلدىڭ 26- قازانىندا الماتىدا ناميبيالىق بوكسشى ۋولتەر كاۋتوندوكۆانى (18-2, 17 ك و) تورەشىلەر شەشىمىمەن ۇتقان بولاتىن.

ا. رىسداۋلەت

massaget.kz